සංහිඳියාව යථාර්ථයක් කර ගැනීමට නම් විශ්වසය මත පදනම් වු වැඩපිළිවෙලක් අත්‍යවශය බව විශ්ව විද්‍යාල සිසු නායකයෙකු අවධාරණය කරයි.
දෙමළ ජනයා පිඩා විඳින දේශපාලන ගැටලු වලට විසඳුම් ලබා නොදී හිටපු ජනපති මහින්ද රාජපක්ෂ දෙමළ භාෂාවෙන් කතා පැවැත්වුවා මෙන් වත්මන් ජනාධිපතිවරයා උතුරේ සංහිඳියාව වසර සැමරීමෙන් හෝ සාකච්ඡා කිරිමෙන් පලක් නොවන බවයි අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කාර ළහිරු වීරසේකර පවසන්නේ.
සාමකාමී ලෝකයක් වෙනුවෙන් සටන් වැදි පුද්ගලයන් තවමත් සිරගත කර සිටියදී සංහිඳියාව ඇති කල නොහැකි බව සිසු නායකයා කියා සිටියේ ආණ්ඩුව විසින් 2017 වසර සංහිඳිය වසර ලෙස නම් කිරීම පිළිබඳව සිලෝන් ජර්නල්ස් වෙත විශේෂ ප්‍රකාශයක් ලබා දෙමිනි.
“තාමත් යුද්ධ කාල සීමාවේදි අත්අඩංගුවට ගත්ත ඊට පස්සේ එල්ටීටීඊ සැකකරුවන් විදියට නම් කරල අත්අඩංගුවට ගත්ත විශාල පිරිසක් තාමත් බන්ධනාගාර ගත වෙලා ඉන්නවා” යි ළහිරු වීරසේකර කියා සිටියේය.
සංහිඳියාව ගොඩනැංවිමට පාලකයන් තුල සැබෑ ලෙසම උනන්දුවක් ඇත්නම් පලමුව කල යුත්තේ දේශපාලන රැඳවියන් නිදහස් කිරිම බවයි අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කාර ළහිරු වීරසේකර වැඩි දුරටත් පෙන්වා දෙන්නේ.
Facebook Comments
