ආරක්ෂක අමාත්‍යංශයේ හිටපු ලේකම්වරයකු වූ ගෝඨාභය රාජපක්ෂ ඉදිරිපත් වන ජනාධිපතිවරණයක තරග වැදීම සඳහා අපේක්ෂකයකු ඉදිරිපත් කරන ලෙස ශ්‍රී ලංකා පොදුජන පෙරමුණ දෙමළ ජාතික සන්ධානයට ආරාධානා කර ඇත.
පොහොට්ටුව ලකුණෙන් යුත් රාජපක්ෂවාදී කණ්ඩායමේ ශ්‍රී ලංකා නිදහස් පක්ෂ පාර්ලිමේන්තු මන්ත්‍රී ප්‍රසන්න රණතුංග එම ඇරයුම කළේ ඇමරිකා එක්සත් ජනපදයේ සිට පෙරලා ශ්‍රී ලංකාවට පැමිණි ගෝඨාභය රාජපක්ෂ පිළිගැනීම සඳහා කටුනායක ගුවන් තොටුපලට ගොස් සිටියදීය.
තවමත් එක්සත් ජනපද පුරවැසියකු වන ගෝඨාභය රාජපක්ෂ ඔහුගේ සහෝදර හිටපු ජනාධිපතිවරයාගේ “සම්පූර්ණ ආශිර්වාදය යටතේ” ජනාධිපතිවරණයට තරග වදිනු ඇති බවට මන්ත්‍රීවරයා විශ්වාසය පල කළේය.
“අනිවාර්යයෙන්ම දෙමළ ජනතාව වෙනුවෙන් දෙමළ සන්ධානය ඉදිරිපත් වෙන්න ඕනේ.” යැයි ප්‍රසන්න රණතුංග මන්ත්‍රීවරයා ගුවන් තොටුපලේදී මාධ්‍ය වෙත පැවසීය.
TNA අපේක්ෂකයකු ජනාධිපතිවරණයට ඉදිරිපත් කිරීමෙන් එක්සත් ජාතික පක්ෂයට දෙමළ ඡන්ද වැටීම වළක්වාලීමේ අභිප්‍රාය මන්ත්‍රීවරයා වෙතින් පල විය.
එසේ නොකිරීම “එක්සත් ජාතික පක්ෂයට පක්ෂය පාවාදුන්නා වගේ වැඩක්” ලෙසයි මන්ත්‍රීවරයා හඳුන්වා දෙනු ලැබුවේ.
Facebook Comments
