තවකාලිකව අගමැතිවරයා යටතට පත් කර තිබු නීතිය හා සාමය පිළිබඳ අමාත්‍යංශයේ ඇමැතිවරයා ලෙස රාජ්‍ය පරිපාලන හා කළමනාකරණ අමාත්‍ය රංජිත් මද්දුම බණ්ඩාර පත්කර තිබේ.
ඇමැති රංජිත් මද්දුම බණ්ඩාර නීතිය හා සාමය පිළිබඳ අමාත්‍යවරයා ලෙස 08 බ්‍රහස්පතින්දා ජනාධිපති මෛත්‍රීපාල සිරිසේන ඉදිරියේ දිවුරුම් දුන් බව ජනාධිපති මාධ්‍ය ඒකකය නිවේදනය කරයි.
රටේ ප්‍රදේශ කිහිපයක මුස්ලිම් විරෝධි ප්‍රහාර මාලාවක් දියත් වෙමින් ඇති මොහොතක අගමැතිවරයා යටතේ තිබු නීතිය හා සාමය පිළිබඳ අමාත්‍යංශය මෙසේ රංජිත් මද්දුම බණ්ඩාර යටතට පත් කිරිම විශේෂාත්වයකි.
මේ අතර මුස්ලිම් විරෝධි ප්‍රහාර වලක්වාලීමට පොලිසිය හා පොලිස් විශේෂ කාර්ය බලකාය අසමත් වු බවට ප්‍රහාරයට ලක් වු මුස්ලිම් ජනයා චෝදනා කර තිබුණි.
Facebook Comments
