ඩොලර් බිලියන එකහාමාරක ණය මුදල ගෙවා දැමීමට ඇති කාලය තවත් වසරකින් දීර්ඝ කරන්නැයි රජය ජාත්‍යන්තර මූල්‍ය අරමුදලෙන් ඉල්ලීමක් කර තිබේ.
එමෙන්ම වියදම් සඳහා පණවා ඇති දැඩි කොන්දේසි ලිහිල් කරන ලෙසටද රජයේ පාර්ශවයෙන් ඉල්ලීමක් කර ඇති බවයි ජ්‍යෙෂ්ඨ ප්‍රකාශකයන් දෙදෙනෙකු උපුටා දක්වමින් රොයිටර් පුවත් සේවය වාර්තා කරන්නේ.
අදාළ ණය මුදලේ 5 වන වාරිකය නියමිත පරිදි ලබාදීම මූල්‍ය අරමුදල ප්‍රතික්ෂේප කරනු ලැබුවේ දින 51 ක් පුරා පැවති දේශපාලන කුමන්ත්‍රණය හේතුවෙනි.
එම ණය මුදල ප්‍රමාදවී හෝ නැවත ලබාදීමට ඇති හැකියාව පිළිබඳ සාකච්ඡා කිරීමට මූල්‍ය අරමුදලේ නියෝජිතයන් පිරිසක් පසුගිය සතියේදී මෙරට සංචාරයක නිරතවූ අතර ඔවුන්ගේ තීරණය ඉදිරියේදී ප්‍රකාශයට පත් කිරීමට නියමිතව ඇත.
Facebook Comments
