ගැහැණු දරුවන්ගේ අධ්‍යාපන අයිතිය වෙනුවෙන් සටන් වඳින පාකිස්තාන ජාතික ළමා ක්‍රියාධාරිනියක වන මලාලා යූසුෆ්සායි එක්සත් ජාතීන්ගේ සංවිධානයේ ලාබාලතම සාම දූතවරිය ලෙස නම් කරනු ලැබ තිබේ.
එක්සත් ජනපදයේ නිව්යෝර්ක් නුවර පැවති එක්සත් ජාතීන්ගේ සංවිධානයේ උත්සවයක දී මලාලා යූසුෆ්සායිට දුත කාර්ය වෙනුවෙන් වන සහතික පත්‍රය පිරිනමා ඇත.
https://www.youtube.com/watch?v=AX2OL_Ft8Yk&feature=youtu.be
නොබෙල් සාම ත්‍යාගයෙන් පුද ලැබූ ලාබාලම පුද්ගලයා බවට පත් වෙමින් 2014 දී මලාලා යූසුෆ්සායි නොබෙල් සාම ත්‍යාගය හිමි කර ගත්තාය.
පාකිස්තාන දැරියන්ගේ අධ්‍යාපන අයිතිය වෙනුවෙන් සටන් වඳින මලාලා 2012 වස‍රේදී තාලේයිබාන්වරුන් වෙඩි තබා ඝාතනය කිරීමට උත්සාහ කළේ ඇය පාසල් යමින් සිටින අතරවාරයේ දීය.
හිසට එල්ල කරනු ලැබු වෙඩි පහරින් සුවය ලැබු මලාලා හට සිය පදිංචිය පකිස්තානයේ සිට එංගලන්තයට වෙනස් කිරීමට සිදු වුයේ අන්තවාදී සංවිධාන වලින් ඇයට දිගින් දිගටම එල්ල වූ මරණ තර්ජන හේතුවෙනි.
මේ වන විට දහ නම වන වියේ පසුවන මලාලා උසස් පෙළ විභාගයෙන් විශ්ෂ්ඨ ප්‍රතිඵල ලැබ විශ්ව විද්‍යාල අධ්‍යාපනයට සුදුසුකම් ලබා සිටියි.
Facebook Comments
