ජනප්‍රිය සිංහල කතිකාවයි ජිනීවා දේශපාලනයයි අතර තියෙන්නේ ගැඹුරු පරතරයක් – භාෂණ

0

ජිනීවා මානව හිමිකම් කවුන්සිලය සම්බන්ධව ලංකාවේ තිබෙන ජනප්‍රිය සිංහල කතිකාව සහ ජිනීවා හි ඇති දේශපාලනය අතර ගැඹුරු පරතරයක් පවතින බැව් පිටුවහලේ ජීවත් වන ජ්‍යෙෂ්ඨ මාධ්‍යවේදියෙක් පෙන්වා දෙයි.

ලංකාවේදී ජිනීවා යනු රජයේ හමුදාවන් අපකීර්තියට පත්කරන්න කුමන්ත්‍රණ සැළසුම් වෙන තැනක් ලෙස හඳුන්වන බවත් නීත්‍යානුකූල රාජ්‍යයකට විරුද්ධව සටන් කළ අවිගත් කණ්ඩායමක් පරාජය කරන්න එම රාජ්‍යය ජාත්‍යන්තර බාධක නොතකා, අධිරාජ්‍යවාදී බලවේගයන්ට මුහුණ දෙමින් දියත් කළ යුද්ධය ජයගැනීම සම්බන්ධයෙන් ඇතිවුණු ඊර්ෂ්‍යාව මත ජිනීවා කුමන්ත්‍රණය සිද්ධවෙන බව මෙම ප්‍රබන්ධ කතාවෙන් කියවෙන බවයි ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS)සංවිධානයේ රෝහිත භාෂණ පවසන්නේ.

ශ්‍රී ලංකාවේ රජය යුද්ධ කළේ තනියෙන්, තමන්ගේ හයියෙන් කියන බොරුව මත මෙම ප්‍රබන්ධය ගොඩනංවා ඇති බව පවසන රෝහිත භාෂණ ජිනීවා වලින් පෙන්නුම් කෙරෙන ලෝක බල දේශපාලනය පිළිබඳ යථාර්ථ ඊට හාත්පසින්ම වෙනස් ලංකාවේ යුද්ධය පැවැති මොහොතේ ක්‍රියාත්මක වුණු ජාත්‍යන්තර දේශපාලනයේම දිගුවක් ලෙසටයි හඳුන්වනු ලැබුවේ.

දිවයින පුවත්පතේ පළවන කොළම “කෝළම” ලෙස හැඳීන්වු ඔහු ලෝක බල දේශපාලනය හඳුනාගැනීමට එය වෙනුවට විකීලීක්ස් මගින් අනාවරණය කල එක්සත් ජනපද රාජ්‍ය දෙපාර්තමේන්තු කේබල් පණිවුඩ කියවන ලෙස යෝජනා කර සිටියේ එක්සත් ජාතීන්ගේ සංවිධානය විසින් ශ්‍රී ලංකාවේ සංහිඳියාව සහ වගවීම සම්බන්ධයෙන් 2015 ඔක්තෝබරයේ ගිවිසගත් දෑ ඉටු කිරීමට ශ්‍රී ලංකා රජයට තවත් වසර දෙකක් කල් දීම සම්බන්ධව සිලෝන් ජර්නල්ස් හා සාකච්ඡාවකට එක්වෙමිනි.

ජිනීවාවල 2012 සිට මේ දක්වා සම්මත වුණු එකදු යෝජනාවකවත් වින්දිතයන් දෙමළ බවට එක් වතාවක් හෝ නම් කර ඇති දැයි ප්‍රශ්න කරන ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ සංවිධානයේ රෝහිත භාෂණ එය එසේ නොවන බවයි පෙන්වා දෙන්නේ.

ජිනීවාහිදී සිදු වන්නේ දෙමළ ජනයාගේ ප්‍රශ්න විසඳිම නොව එම ගැටලු කළමනාකරණය කරමින් සහමුලින්ම යටපත් කිරීමට ලංකාවේ නිල රාජ්‍යයට සූක්‍ෂමව කාලය ලබා දීම බව අවධාරණය කල ජ්‍යෙෂ්ඨ මාධ්‍යවේදි රෝහිත භාෂණ දෙමළ ජනයාගේ යුක්තිය පිළිබඳ ඉල්ලීමත් ජිනීවා යෝජනාවේ හරයත් අතර ඇති බරපතල පරතරය අහම්බයක් නොවන බවයි සිලෝන් ජර්නල්ස් හා වැඩිදුරටත් කියා සිටියේ.

Facebook Comments

wedding people