කොළොන්නාව මීතොටමුල්ල කුණු කන්ද යාමෙන් නිවාස 60 වැඩි ප්‍රමාණයකට සම්පුර්ණයෙන්ම හානී වී ඇති බව මීතොටමුල්ල කුණු කන්දට එරෙහි ජනතා ව්‍යාපාරය පවසයි.
මේ වන විටත් පොලිසය,ත්‍රිවිධ හමුදාව හා සිව්ල් වැසියන් එක්ව ගලවා ගැනිමේ මෙහෙයුම් සිදු කරන බවයි එම ව්‍යාපාරයේ නිතීඥා නුවන් බෝපගේ සිලෝන් ජර්නල්ස් හා කියා සිටියේය.
තුවාල ලැබු හෝ රෝහල් ගත කර ඇති ප්‍රමාණය පිළිබඳව මෙතෙක් කිව නොහැකි බව සඳහන් කල ඔහු ජීවිත හානිවීම් පිලිබඳව මෙතෙක් වාර්තා නොමැති බවද සඳහන් කළේය.
මෙම කුණු කන්ද නායයාමෙන් තුවාළ ලැබු 06 දෙනෙක් පමණ මේ වන විට රෝහල් ගත කර ඇති බවයි රෝහල් ප්‍රකාශයෙක් සඳහන් කල අතර ඉන් 02 තත්ත්වය බරපතල බවද පැවසීය.
ආපදාව නැරඹීම සදහා එම ප‍්‍රදේශයට පැමිණීමෙන් වළකින ලෙස ආපදා කළමණාකරණ අමාත්‍යංශය ජනතාවගෙන් ඉල්ලීමක් කරන අතර එලෙස අනවශ්‍ය පිරිස් පැමිණීම බේරා ගැනීමේ මෙහෙයුම් සහ සහන සේවාවලටද බාධාවක් බවද එම අමාත්‍යංශය පවසයි.
Facebook Comments
