ආර්ථික අර්බුදය හමුවේ රට බේරාගැනීමට නම් හමුදා පාලනයකට බාර දිය යුතු බව එක් රටක් එක් නීතියක් ජනාධිපති කාර්ය සාධක බලකායේ ප්‍රධානියා ප්‍රකාශ කොට තිබේ.
“රට බේරා ගන්න නම් ඉදිරි අවුරුදු දෙක, තුන හමුදාවට බාර දිය යුතු බව මගේ පුද්ගලික අදහස, රටේ දැන් පවතින වාතාවරණයට දේශපාලඥයන්,රජයේ නිලධාරීන් හැමෝම වගකිව යුතුයි,මේ අය තමයි ජනතාව බඩගින්නට තල්ලු කරලා,ණය බර වැඩි කරලා තියෙන්නේ,“යැයි සති අන්ත “වීරකේසරී“ පුවත් පතට සම්මුඛ සාකච්ජාවක් ලබා දෙමින් එක් රටක් එක් නීතියක් ජනාධිපති කාර්ය සාධක බලකායේ සභාපති මෙන්ම බොදු බල සේනාවේ ප්‍රධානි ගලබොඩඅත්තේ ඥානසාර හිමියෝ පවසති.
“මේ තත්වයට ජනාධිපතිතුමා වගකිව යුතු නැහැ,“යි පවසන ඥානසාර හිමියන් අවධාරණය කරන්නේ “හමුදා පාලනය කියලා කෑගහන ප්‍රජාතන්ත්‍රවාදී කතා කියන ඔක්කොම අල්ලා හිරේ දාන්න ඕනෑ.“බවය
එසේ නොකොට රට ගොඩ නැගිය නොහැකි බවද එක් රටක් එක් නීතියක් ජනාධිපති කාර්ය සාධක බලකායේ ප්‍රධානියා කියා සිටී.
ජනාධිපති ගෝඨාභය රාජපක්‍ෂ රටේ ප්‍රශ්න විසදීමට අසමත් වූ බවට කෙරෙන ප්‍රකාශ ප්‍රතික්ෂේප කරමින් සෙසු දේශපාලඥයන් හා රජයේ සේවකයන් එහි වගකීම දැරිය යුතු බව ඒ හිමියන් මෙහිදී පෙන්වා දී තිබේ.
“ දැන් ස` ෆේල් කියලා කියනවා, ඒත් ස`ෆේල් වෙලා නැහැ,මහ ජන්දය තියලා අලුත් ඇමැති මණ්ඩලය පත් කරන කම්,රට තිබුනේ ජනාධිපතිතුමා යටතේ, එතකොට කිසිම ගැටළුවක් තිබුනේ නැහැ, ඇමැතිවරු පත්කරලා පාර්ලිමේන්තුව ක්‍රියා කරන කොට තමයි ප්‍රශ්න ඇති වුනේ, ඒ හින්දා දේශපාලනඥයන් හා රජයේ නිලධාරින් මේ ප්‍රශ්න වලට වගකිව යුතුයි,“යැයි ඥානසාර හිමියන් සඳහන් කරයි.
රටේ නීතිය එකක් කිරීමට බාරදී ඇති ඔහු දැඩි ආගම් විරෝධී අදහස් ද වීරකේසරී සම්මුඛ සාකච්ඡාවේදී පල කොට තිබේ.
නැගෙනහිර කාත්තන්කුඩි ප්‍රදේශයේ ආගම් ත්‍රස්තවාදයක් පවතින බවත්, වහබ්වාදයට එරෙහි සැම ඉස්ලාම් ආගම අත්හැර ගිය අය ලෙස සැලකෙන බවත්, මන්නාරමේ ක්‍රියාත්මක වන්නේ බිෂොප්වරයාගේ නිතිය බවත්, හින්දු භක්තිකයන්ගේ ආගම වෙනස් කරමින් ක්‍රිස්තියානි අණසක එහි පතුරුවා ඇති බවත් එක් රටක් එක් නීතියක් ප්‍රධානියාගේ අදහසයි.
Facebook Comments
