පිළිගත හැකි දේශපාලන විසඳුමකින් ජාතික ප්‍රශ්නය විසඳනවා – අගමැති

0
550
Ivory Agency Sri Lanka
wedding people

සියලු ජාතීන්ට පිළිගත හැකි දේශපාලන විසඳුමකින් ජාතික ප්‍රශ්නය නිරාකරණය කිරීමට පියවර ගන්නා බව අගමැති පවසයි.

ඒ සදහා අවශ්‍ය පසුබිම සකස් කරමින් තිබෙන අතර විවිධ සංස්කෘතීන්, ආගම් හා භාෂාවන් ආරක්ෂා කරගනිමින් ජනතාව අතර තිබූ සාමය නැවත ගොඩ නැංවීමට කටයුතු කරන බවයි අගමැති රනිල් වික්‍රමසිංහ පෙන්වා දෙන්නේ.

සිංහල සහ දෙමළ සංස්කෘතීන් අතර සබඳතාව තව තවත් ශක්තිමත් කරමින් ඒ හරහා රටේ සංහිඳියාව ඇති කරන්න බවට 15 සදුදා අරලියගහ මැඳුරේදී පැවැති ජාතික තෛපොංගල් දින සැමරුම් උළෙලට සහභාගි වෙමින් අගමැතිවරයා මේ බව කියා සිටියේය.

සියලු ජනවර්ග වලට සාධාරණය ඉටුවන ලෙස යෝජිත නව ව්‍යවස්ථාව පිළිබඳව වාර්තාවක් ව්‍යවස්ථා සම්පාදක මණ්ඩලයට ඉදිරිපත් කිරීමට හැකි වු බව පෙන්වා දෙන අගමැති රනිල් වික්‍රමසිංහ එයට සියලු දෙනාගේම සහයෝගය හිමිවීම සතුටට කරුණක් බවත් සියලු කණ්ඩායම් අතර මෙවැනි එකගතාවක් ඇති වුයේ නිදහසින් පසු ප්‍රථම වතාවට බව ද ප්‍රකාශ කළේය.

යුග දෙකක්

ජනාධිපති මෛත්‍රිපාල සිරිසේන සහ අග්‍රාමාත්‍ය රනිල් වික්‍රමසිංහ ජාතික ප්‍රශ්න විසදා ගැනීම සඳහා විශාල උත්සාහයක් ගන්නා නමුත් තවමත් එය ඉටු කර ගැනීමට නොහැකි වීම ගැන මෙම උත්සවයට එක්වු විපක්ෂ නායක ආර්. සම්පන්දන් සිය කණගාටුව පල කළේය.

මේ වන විට රට බිහිසුණු අතීතයක් සහිත යුගයකින් මිදී බලාපොරොත්තුවක් තබාගත හැකි යුගයකට පැමිණ තිබෙන බව විපක්ෂ නායකවරයා වැඩි දුරටත් පෙන්වා දුනි.

Facebook Comments