මාධ්‍යවේදී සුබ්‍ර‍නියම් සුගීර්තරාජන් ඝාතනය කොට අවුරුදු 16 යි

0

මහින්ද රාජපක්ෂ පාලන සමයේ ඝාතනයට ලක්වු දෙමළ මාධ්‍යවේදියකුගේ දහසය වැනි අනුස්මරණය නැගෙනහිරදී පවත්වා තිබේ.

මඩකලපුව මාධ්‍ය සමාජයේදී සුඩර් ඔලි හා උදයන් පුවත්පත්වල හිටපු ත්‍රිකුණාමලය ප්‍රධාන වාර්තාකරු ‘රාජන්’ හෙවත් සුබ්‍ර‍නියම් සුගීර්තරාජන්ට මලින් පහනින් උපහාර දැක්වුයේ ජනවාරි 24 වැනි සදුදා දිනයි.

එම අනුස්මරණය මඩකලපුව දිස්ත්‍රික් දෙමළ මාධ්‍යවේදීන්ගේ සංගමය සහ මඩකලපුව මාධ්‍ය සමාජය විසින් සංවිධානය කරන ලද බව පළාත් බද වාර්තාකරුවෝ පවසති.

ත්‍රිකුණාමලයේ සිසුන් පස් දෙනකු 2006 ජනවාරියේ ඝාතනය කෙරුණු බව හෙළි කෙරෙන ඡායාරූප මාධ්‍යවේදී රාජන් විසින් යාපනයේ සුඩරෝලි පුවත්පතේ මුල් පිටුවේ පල කොට දෙසතියක් ගතවත්ම ඔහු ඝාතනය කරන ලදී.

2006 වසරේ ජනවාරි 24 අඟහරුවාදා උදෑසන සිය නිවෙසට ආසන්නයේ දී, තිස් අට හැවිරිදි දෙදරු පියකු වූ සුබ්‍ර‍මනියම් සුගීර්තරාජන්, වෙඩි තබා ඝාතනය කිරීම සම්බන්ධයෙන් මේ වනතුරු නීතිය ක්‍රියාත්මක වී නැත.

ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS)විසින් ලේඛනගත කර ඇති පරිදි 2004 වසරේ සිට 2010 දක්වා කාලය තුළ ඝාතනයට හා අතුරුදහන් කිරීමට ලක්වූ මාධ්‍යවේදීන් ගණන 44 කි.

ඒ් අතුරින් බහුතරය උතුරු නැගෙනහිර දෙපළාතේ දෙමළ මාධ්‍යවේදීන්ය.

Facebook Comments