විධායක ජනාධිපති ක්‍රමය අහෝසි කිරීමට එරෙහිව වන කණ්ඩායම් අතර සිංහල බෞද්ධ අන්තවාදී පිරිස් ඉදිරියෙන්ම සිටින බව පාර්ලිමේන්තු මන්ත්‍රී ජනාධිපති නීතිඥ ජයම්පති වික්‍රමරත්න ප්‍රකාශ කර තිබේ.
රාජ්‍ය තුල සිංහල බෞද්ධ ආධිපත්‍ය රැක ගැනීමට අතව්‍යශ සාධකයක් ලෙස ඔවුන් විධායක ජනාධිපති ධුරය සලකනු ලබන බවයි මන්ත්‍රීවරයා පෙන්වා දෙන්නේ.
“ඔවුන් කියන්නේ ශ්‍රී ලංකාවේ රාජ්‍ය බලය හැසිරවිමේ හැකියාව තිබිය යුත්තේ සිංහල බෞද්ධ ජන කොටසට එයට අත්‍යවශය දෙයක් විදියට තමයි විධායක බලය සලකන්නේ.” යැයි ජයම්පති වික්‍රමරත්න මන්ත්‍රීවරයා කියා සිටියේය.
කෙසේ වෙතත් දේශපාලන උවමනාවන් ඊට වඩා ඉහලින් ඇති බව පෙන්වා දුන් මන්ත්‍රීවරයා විධායක ජනාධිපති ධුරය අවස් කිරී‍ම රටට හොඳක් වනු ඇති බවට විශ්වාසය පළ කළේය.
ඉදිරි ජනාධිපතිවරණයට පෙර විධායක ජනාධිපති ධුරය අවසන් කිරිමට තවමත් කාලය ඇති බව ද පාර්ලිමේන්තු මන්ත්‍රී ජනාධිපති නීතිඥ ජයම්පති වික්‍රමරත්න වැඩි දුරටත් පෙන්වා දුනි.
Facebook Comments
