පාස්කු ඉරිදා ප්‍රහාර මාලාව පිළිබඳ සොයා බැලීමට පත් කරන ලද පාර්ලිමේන්තු තේරීම් කාරක සභාව හමුවේ සාක්ෂි ලබා දුන් ජාතික බුද්ධි ප්‍රධානියා සේවයෙන් ඉවත් කළ බව ජනාධිපතිවරයා පොලිස් ප්‍රධානීන්ට ප්‍රකාශ කර තිබේ.
දැනට රාජකාරියේ නිරත කිසිඳු නිලධාරියෙකු හට තේරීම් කාරක සභාව හමුවේ සාක්ෂි ලබා දීමට ඉඩ නොදෙන බවට ප්‍රකාශ කර ඇති ජනපති මේතාක් තේරිම් කාරක සභාව හමුවේ සාක්ෂි ලබා දී ඇත්තේ තමන් සේවයෙන් ඉවත් කරන ලද නිධාරින් බව 07 සිකුරාදා පොලිස් දෙපාර්තමේන්තුවේ ජ්‍යෙෂ්ඨ නිලධාරින් සමඟ පැවැත්වෙන මාසිකව රැස්විමේදී කියා සිටියේය.
“දැන් මෙතෙක් තේරීම් කාරක සභාවට ගියෙ මම සේවා වලින් ඉවත් කරපු නිලධාරින්. සිසිර මෙන්ඩිස් මහත්තයත් අපි සේවයෙන් ඉවත් කළා.සේවාවන් වල දැන් යෙදී සිටින ආරක්ෂක අමාත්‍යංශයේ හෝ පොලිස් දෙපාර්තුමේන්තුවේ කිසිම කෙනෙක් තේරීම් කාරක සභාවට මම යවන්නේ නැත.” යැයි ජනපති පැවසීය.
දැනට සේවයේ නිරත කිසිඳු නිලධාරියෙකු තේරීම් කාරක සභාව හමුවට නොයවන බව කතානායකවරයා වෙත දන්වා ඇති බව කී ජනාධිපතිවරයා එම නිලධාරින්ගේ වගකීම තමන් බාර ගන්නා බව ද සඳහන් කළේය.
අප්‍රේල් 21 වන දා සිදුවීමට අදාළ නඩු 05ක් මේ වන විට ශ්‍රේෂ්ඨාකරණයේ විභාගයට ගැනෙමින් පවතින අතර, එවන් අවස්ථාවක තේරීම් කාරක සභාවත් පත්කර කටයුතු කිරීම, එම ශ්‍රේෂ්ඨාධිකරණ ක්‍රියාවලියට අහිතකර තත්ත්වයක් බව නීතිපතිවරයා තමා වෙත ලිඛිතව දන්වා තිබෙන බවයි ජනපති පවසන්නේ.
ඒ පිළිබඳව කතානායකවරයා වෙත දැනුම් දී ඇති නමුත් කතානායකවරයා විසින් එය පාර්ලිමේන්තුවට නොදැන්නු බවට ද ජනාධිපතිවරයා චෝදනා කළේය.
පාර්ලිමේන්තු තේරිම් කාරක සභාවේ කටයුතු කරන මන්ත්‍රීවරුන් ඒ පිළිබඳව අනවබෝධයෙන් කටයුතු කරන බැවින් සේවයේ නියුතු කිසිඳු නිලධාරියෙකු සාක්ෂි ලබා දීමට ඉදිරිපත් නොකරන බව ජනපති මෛත්‍රීපාල සිරිසේන වැඩි දුරටත් අවධාරණය කරන ලදී
Facebook Comments
