බැඳුම්කර සිද්ධියට අර්ජුන් මහේන්ද්‍රන් වගකිව යුතු බව කෝප් කම්ටුව කියයි

0
Ivory Agency Sri Lanka
wedding people

ශ්‍රී ලංකා මහ බැංකුවේ බැඳුම්කර ගනුදෙනුවට හිටපු මහබැංකු අධිපති අර්ජුන මහේන්ද්‍රන් සෘජුවම වගකිව යුතු බව කෝප් කමිටු වාර්තාව මඟින් පවසයි.

ඔහු ඇතුළු එම සිද්ධියට වගකිව යුතු නිලධාරීන්ට එරෙහිව නීතිමය ක්‍රියාමාර්ග ගත යුතු බව ද එම වාර්තාව මගින් නිර්දේශ කර ඇත.

මහබැංකු බැඳුම්කර වෙන්දේසියේදි 2015 පෙබරවාරි 27 වැනිදා සිදුවූ ගනුදෙනුවේදී හිටපු මහබැංකු අධිපතිවරයාගේ මැදිහත්වී‍මක් හා බලපෑමක් සිදුවී ඇති බව කෝප් කාරක සභාවේදී හෙළිදරව් වී ඇතැයි එම කමිටු සභාපති පාර්ලිමේන්තු මන්ත්‍රී සුනිල් හඳුන්නෙත්ති පෙන්වා දෙයි.

බැඳුම්කර සිද්ධියට අදාළ කෝප් වාර්තාව අද (28) පාර්ලිමේන්තුව වෙත ඉදිරිපත් කරමින් මන්ත්‍රීවරයා මේ බව පැවසීය.

මේ නිසා ශ්‍රී ලංකා මහ බැංකුවේ විශ්වාසනීයත්වය බිඳ වැටී ඇති බවත්, චෝදනා ලබා සිටින පර්පචුවල් ට්‍රෙසරිස් ආයතනය විශාල ලාභයක් උපයාගෙන ඇති බවත් අනාවරණය වී ඇති බව හෙතෙම සඳහන් කළේය.

මෙම සිද්ධියට වගකිව යුතු පුද්ගලයින්ගෙන් හා නිලධාරීන්ගෙන් එම අලාභය අයකර ගැනීමටත්, ඒ වෙනුවෙන් අධිකරණ ක්‍රියාමාර්ග ගත යුතු බවටත් කාරක සභාව නිර්දේශ කරන බව කෝප් කම්ටු සභාපතිවරයා පාර්ලිමේන්තුවට දැනුම් දුන්නේය.

එම කටයුතු අවශ්‍ය අයුරින්ම සිදුවන්නේදැයි සොයාබැලීම සඳහා පසුවිපරමක් කිරීමටත්, ඒ අනූව එය මහබැංකුව විසින්ම සොයාබැලීමටත්, කෝප් කාරක සභාව නිර්දේශ කර ඇත.

යළි මෙවන් තත්ත්වයක් ඇති නොවීමට වගබලා ගැනීමට සහතික විය යුතු බවද මහබැංකු බැඳුම්කර අලෙවියකදී ඒ ගැන සොයාබැලීමට විධායකය මගින් විශේෂ නිරීක්ෂණ කණ්ඩායමක් පත්කළ යුතු බවද නිර්දේශ කර තිබේ.

Facebook Comments