බදුල්ල දෙමළ බාලිකා විද්‍යාලයේ විදුහල්පතිනිය දණ ගැස්සවීමේ චෝදනා ලැබ සිටින ඌව පළාත් ප්රධාන අමාත්‍ය චාමර සම්පත් දසනායක විසින් සංවිධානය කරන ලද ජනාධිපතිවරයා සහභාගි වන රැස්වීමක් ආවරණය කිරීමට ගිය තමන්ව ඇමැතිවරයෙකුගේ නිලධාරියෙකු තර්ජනය කර පලවා හැරි බවට මාධ්‍යවේදීන් දෙදෙනෙකු පොලිසියට පැමිණිලි කර තිබේ.
සිරස හා දෙරණ නාළිකා වල කපිල චන්දන කුරුප්පුආරච්චි සහ ජයලත් දිසානායක යන මාධ්‍යවේදීන් දෙදෙනා හට මෙසේ රැස්වීම ආවරණය කිරීමට ඉඩ නොදී පලවා හැර ඇති බව කැෆේ සංවිධානය පවසයි.
‘‘මහ ඇමති චාමර සම්පත් අපහසුතාවට පත් වුණේ උඹලා නිසයි. දණ ගැස්සු විදුහල්පතිනියගේ පස්සෙන් ගිහින් උඹලා වොයිස් කට් ගත්තා. උඹලත් එපා. උඹලාගේ මාධ්‍යයත් අපිට එපා. අපි අපේ රැස්වීම් වාර්තා කර ගන්නම්. උඹලාගේ ගෙවල් වලට ගැහුවොත් මම වගකියන්නේ නෑ‘‘ යැයි අමාත්‍ය නිමල් සිරිපාල ද සිල්වා ගේ මහජන සම්බන්ධතා නිළධාරි අජිත් ලියනගේ මාධ්‍යවේදින් හට තර්ජනය කර ඇති බවයි එම සංවිධානයේ කීර්ති තෙන්නකෝන් පවසන්නේ.
කවුද මේ අජිත්?
අමාත්‍ය නිමල් සිරිපාල ද සිල්වාගේ සම්බන්ධීකරණ ලේකම් අජිත් හික්කඩුව ලියනගේ යනු විදුහල්පතිනිය දණ ගැස්වීමේ සිද්ධියට සම්බන්ධ දැරිය පාසලට ඇතුලත් කිරීම සදහා දෙමළ බාලිකා විද්‍යාලයේ විදුහල්පතිනියට නීති විරෝධී ලිපියක් යොමු කළ පුද්ගලයා බව කැෆේ සංවිධානය පවසයි.
මෙම සිදුවීම තරයේ හෙලා දකින කැෆේ සංවිධානය මෙය පසුගිය රජය සමයේ මාධ්‍යවේදීන්ට තර්ජනය කරමින්, මර්ධනය කරමින් ගෙන ගිය වැඩ පිළිවෙල නැවත සිහිගැන් විමක් බව සිය නිවේදනයෙන් වැඩි දුරටත් කියා සිටි.
ශ්‍රී ලංකාවේ ජනාධිපති ධුරයට පත් පළමු මාධ්‍යවේදියා තමන් විය හැකි බවට විශ්වාසය පලකළ ජනාධිපති මෛත්‍රිපාල සිරිසේන‘රැහේ එකෙක්’ ලෙස තම ‘රැහේ එවුන්ට සැලකීමේ’ වගකීමක් තමන්ට තිබෙන බව මාධ්‍ය සේවක වෘත්තීය සමිති සම්මේලනයේ හය වැනි නියෝජිත සමුළුවේ ප්රධාන අමුත්තා ලෙස සහභාගී වෙමින් කියා තිබුණි.
Facebook Comments
