රටක ජනතාව සහ රජය අතර පවතින සමාජ ගිවිසුම ව්‍යවස්ථාව බව සමාජ පර්යේෂකයෙක් පෙන්වා දෙන අතර එය ලිඛිතව හෝ මතයක් ලෙස තිබිය හැකි බවයි පවසන්නේ.
දැනට පවතින ව්‍යවස්ථාවේ බොහෝ අඩු පාඩු ඇති බැවින් එය මර්දනය කරමින් නව ව්‍යවස්ථාවක් සැකසීම මේ මොහොතේ පවතින අවශ්‍යතාවය බව වෙරිටේ ආයතනයේ පර්යේෂණ අධ්‍යක්ෂ ගෙහාන් ගුණතිලක සිලෝන් ජර්නල්ස් හා කියා සිටියේ යෝජිත නව ව්‍යවස්ථාව සම්බන්ධව සාකච්ඡාවකට එක්වෙමිනි.
ලිඛිතව හෝ හැඟිමක් තුළින් රජය හා ජනතාවට ව්‍යවස්ථාව හරහා පොදු බැඳිමක් තිබිය යුතු බවයි ගෙහාන් ගුණතිලක සඳහන් කරන්නේ.
නව ව්‍යවස්ථාවක් අවශ්‍ය ඇයි ?
දැනට ශ්‍රී ලංකාවේ පවතින ව්‍යවස්ථාවේ විධායක ජනාධිපති ධුරයට ඇති බලතල පුළුල් වීම, බලය බෙදීම සම්බන්ධ සංශෝධන ක්‍රීයාත්මක නොවීම, දැනට පවතින ඡන්ද ක්‍රමයේ අඩුපාඩු සහ තවත් නොයෙක් දුර්වලතා පවතින බැවින් නව ව්‍යවස්ථාවක අවශ්‍යතාවය ඔහු අවධාරණය කරයි.
වත්මන් ආණ්ඩුව විසින් නව ව්‍යවස්ථාවක් අවශ්‍ය ඇයි යන්න සම්බන්ධව ජනතාව දැනුවත් කිරීමේ වැඩසටහනක් මෙතෙක් ඉදිරිපත් කර නොමැති බවට චෝදනා කරන පර්යේෂක ගෙහාන් ගුණතිලක එවැනි වැඩසටහනකින් තොරව නව ව්‍යවස්ථාවක් සඳහා ජනතාව හවුල් කර නොගත හැකි බවටයි විශ්වාසය පළ කරන්නේ.
Facebook Comments
