දින නියමක් නොමැතිව කල් දමා ඇති පළාත් සභා ජන්දය පවත්වන ලෙස මැතිවරණ කොමිසමට නියෝගයක් නිකුත් කරන මෙන් ඉල්ලා ශ්‍රේෂ්ඨාධිකරණයට රිට් පෙත්සමක් ඉදිරිපත්කර තිබේ.
සත්‍ය ගවේශකයෝ සංවිධානය විසින් ගොණු කරන ලද පෙත්සමේ වගඋත්තරකරුවන් ලෙස ශ්‍රී ලංකා මැතිවරණ කොමිසම සහ එහි සභාපතිවරයා සහ සාමාජිකයින් නම් කර ඇත.
සීමා නිර්ණය කටයුතු හුවා දක්වමින් වත්මන් රජය පළාත් සභා ඡන්ද විමසීම පැවැත්වීම කල් දමමින් සිටින බවටයි එම සංවිධානය සිය පෙත්සමෙන් රජයට චෝදනා කරන්නේ.
පළාත් සභා හයක් පමණ අක්‍රිය වී ඇතැයි සඳහන් කරන එම සංවිධානය ඒ තුළින් ජනතාවගේ සර්වජන ඡන්ද අයිතිය උල්ලංඝනය වී ඇති බවයි පෙන්වා දෙන්නේ.
පළාත් සභා හයක නිල කාලය මේ වන විට අවසන්ව ඇතත් තවමත් පළාත් සභා ඡන්ද විමසීම පවත්වා නොමැත.
Facebook Comments
