එක්සත් ජාතික පක්ෂය මෙහෙයවමින් සිටින්නේ එහි නායකත්වය නොවන බවට චෝදනා කරන ජනාධිපතිවරයා රටට හිතකර සහ රටට අවශ්‍ය අලුත් ආණ්ඩුවක් මෘතෘ භූමියේ හෙට දවසේ අවශ්‍යතාවය බව අවධාරණය කර තිබේ.
මෙම වසර ස්ථීර වශයෙන්ම අලුත් ආණ්ඩුවක් හදන වසරක් බවත් එම අලුත් ආණ්ඩුව අන්ත දක්ෂිණාංශික බලවේගයකට ලබා දෙනවා ද, රටට ආදරය කරන සහ රටේ ප‍්‍රශ්න හඳුනාගත් මෙන්ම රටේ හෙට දවස වෙනුවෙන් වඩා සුදුසු අණ්ඩුවක් බිහිකර ගන්නවා ද යන්න සියලුදෙනා හෘද සාක්ෂියෙන් විමසිය යුතුව ඇති බවට ජනාධිපතිවරයා ප්‍රකාශ කර ඇත.
රටේ හෙට දවස වෙනුවෙන් අලුත් ආණ්ඩුවක් සහ අලුත් වැඩපිළිවෙළකට සුදුසු නව ජාතික පුළුල් බලවේගයක් බිහිකර ගැනීම ප‍්‍රගතිශීලි මෙන්ම රටට ආදරය කරන සෑම දේශපේ‍්‍රමියෙකුගේම අද දවසේ වගකීම වී ඇති බව 17 ඉරිදා කොළඹ නගර ශාලාවේ පැවති මහජන එක්සත් පෙරමුණේ 22 වන වාර්ෂික මහා සමුළුවේ ප‍්‍රධාන ආරාධිත අමුත්තා ලෙස එක්වු ජනපති මෛත්‍රීපාල සිරිසේන පැවසීය.
රට මුහුණදී ඇති දැවැන්ත ණය බරින් රට නිදහස් කර ගනිමින් රටට ආර්ථික සමෘද්ධිය ඇති කිරීම සහ ජනතා සිතුම් පැතුම් මල් ඵල ගැන්වීම වෙනුවෙන් යුගයේ අවශ්‍යතාවයක්ව ඇති එම නව ජාතික පුළුල් සන්ධානය බිහිකර ගැනීම වෙනුවෙන් රටට ආදරය කරන සියලු බලවේග එකට එක්විය යුතු බවයි ජනාධිපතිවරයා පෙන්වා දෙන්නේ.
මහජන සිතුම් පැතුම් ඉටුකර ගැනීම වෙනුවෙන් පුළුල් ජාතික අරගලයක නිරත වූ ඓතිහාසික දේශපාලන පක්ෂයක් වන මහජන එක්සත් පෙරමුණේ ගමන් මග ද මෙහි දී ජනාධිපතිතුමා කෘතවේදීව සිහිපත් කළේය.
Facebook Comments
