වස විස නැති රටක් නිර්මාණය කිරීමේදී දැක්වූ දායකත්වය හේතුවෙන් ශ්‍රී ලංකා මිරර් වෙබ් අඩවියට විශේෂ ප්‍රණාම සම්මානයක් හිමි ව තිබේ.
“වස විස නැති රටක් වෙනුවෙන් එක්වෙමු” තේමාව යටතේ 24 අඟහරුවාදා වැඩසටහනේදී විශේෂ ප්‍රණාම සම්මාන 12ක් ප්‍රදානය කෙරුණු අතර එහිදී සම්මාන 5ක් හිමිවූයේ මාධ්‍ය වෙනුවෙනි.
එම සම්මානය ප්‍රධානයේ දී වෙබ් මාධ්‍ය වෙනුවෙන් හිමිවූ එකම සම්මානය හිමි වුයේ ශ්‍රී ලංකා මිරර් වෙබ් අඩවිය වෙතය.
දෙවසරක සාර්ථක ප්‍රතිඵල
වස විස නැති රටක් වැඩසටහන ගෙවුණු දෙවර්ශයේදී සාර්ථක ප්‍රතිඵල අත්කරගෙන ඇති බව වැඩසටහනට එක් වු උපායමාර්ගික ව්‍යවසාය කළමණාකරණ ආයතනය (සෙමා) හි සභාපති අශෝක අබේගුණවර්ධන කියා සිටියේය.
කෘෂිකර්ම දෙපාර්තමේන්තුවේ පූර්ණ අධීක්ෂණය යටතේ පසුගිය කන්නයේ සිදු කළ කාබනික වී වගාව රසායනික වී වගාව අභිබවා යාමට සමත්වූ බවද සභාපතිවරයා පෙන්වා දුනි.
කෘෂිකර්ම දෙපාර්තමේන්තුවේ පර්යේෂණ මධ්‍යස්ථාන හතරෙහි පැවැති ආදර්ශන පහෙන් තුනකම වස විස නැති ජෛවවිද්‍යාත්මක නියැදියේ අස්වැන්න රසායනික නියැදියේ අස්වැන්නට වඩා වැඩි බව ද අශෝක අබේගුණවර්ධන එහිදී වැඩි දුරටත් ප්‍රකාශ කළේය.
Facebook Comments
