විද්‍යා දැරියගේ සොහොයුරියට ජනපතිගෙන් රැකියාවක්

0

ඝාතනයට ලක් වු විද්‍යා සිවලෝගනාදන් දැරියගේ වැඩිමහල් සොහොයුරියට ජනාධිපතිවරයාගේ මැදිහත් වීම මත රැකියාවක් ලබා දී තිබේ.

යාපනය විශ්වවිද්‍යාලයේ උපාධිධාරිණියක් වූ නිෂාන්ති සිවලෝගනාදන් හට සංවර්ධන නිලධාරි පත්වීම 24 අඟහරුවාදා ජනාධිපති මෛත්‍රීපාල සිරිසේන විසින් ලබා දුන් බවයි ජනාධිපති ලේකම් කාර්යාලය පවසන්නේ.

පසුගිය වසරේදී ජනාධිපතිතුමා වව්නියාවේ සිදුකළ සංචාරයක් අතරතුරදී විද්‍යා දැරියගේ නිවසට ද ගොස් එම පවුලේ අයගේ සුවදුක් විමසූ අවස්ථාවේ ලබාදුන් පොරොන්දුවකට අනුව මෙසේ ඇයට රැකියාව ලබා දී ඇත.

විද්‍යා සිවලෝගනාදන් පදනමේ උප සභාපතිනි ප්‍රවින සිනමා ශිල්පිනී සුවිනීතා වීරසිංහ සහ විද්‍යා දැරියගේ මව වන සරස්වති ශිවලෝගනාදන් ද මෙම අවස්ථාවට එක්ව සිටි බවයි ජනාධිපති මාධ්‍ය ඒකකය වැඩි දුරටත් නිවේදනය කරන්නේ.

2015 මැයි 13 හෝ ඊට ආසන්න දිනකදී විද්‍යා සිවලෝගනාදන් දැරිය අපයෝජනය කර මරා දැමුන අතර ඇයගේ අවසන් කටයුතු මැයි 15 දින යාපනයේදි සිදු කෙරුණි.

දැරිය මරා දැමීම සම්බන්ධයෙන් වරදකරුවන් වූ හත් දෙනකුට යාපනය මහාධිකරණය විසින් පසුගිය වසරේදී මරණ දඩුවම ලබා දුනි.

Facebook Comments

wedding people