බොරැල්ල ප්‍රදේශයේදී බන්ධනාගාර නියාමකවරයෙකුට පහරදීමේ සිද්ධියක් වාර්තා වනවා.
බන්ධනාගාර දෙපාර්තමේන්තුවේ ප්‍රකාශකයෙකු සඳහන් කළේ ඊයේ(09) රාත්‍රීයේදී එම පහරදීම සිදුව ඇති බවයි.
මැගසින් බන්ධනාගාරය ඉදිරිපිට පිහිටි විහාරස්ථානයට ගොස් යළි එමින් සිටියදී මෙම පහරදීම සිදුව තිබෙනවා.
මේ වන විට ඔහු බන්ධනාගාර නිලධාරීන්ගේ ආරක්ෂාව යටතේ කොළඹ ජාතික රෝහලේ ප‍්‍රතිකාර ලබන අතර ඔහුගේ සිරුරේ කැපුම් තුවාල දක්නට ඇති බවයි රෝහල් ආරංචි මාර්ග පවසන්නේ.
මෙලෙස පහරකෑමට ලක්ව ඇත්තේ මැගසින් බන්ධනාගාරයේ විනය අංශය භාරව කටයුතු කළ බන්ධනාගාර නියාමකවරයෙකි.
කෙසේ වෙතත් පහරදීමට හේතුව හෝ පහරදීමට සම්බන්ධ පුද්ගලයින් පිළිබඳව මෙතෙක් කිසිඳු තොරතුරක් අනාවරණය වී නොමැති බව පොලිසය පවසනවා.
Facebook Comments
