එක්සත් ජාතික පක්ෂය දේශද්‍රෝහින් නෙවෙයි

0
491
wedding people
Loading...

එක්සත් ජාතික පක්ෂය දේශද්‍රෝහි පක්ෂයක් නොවන බවත් තමන් එල්.ටී.ටී.ඊ සංවිධානය හා ගිවිසුම් නොගැසු බවත් අග්‍රාමාත්‍ය රනිල් වික්‍රමසිංහ පවසනවා.

බොරැල්ල කැම්බල් පිටියේදී පැවැති එජාප 70 වැනි සම්මේලනය අමතමින් අගමැතිවරයා මේ බව පැවසීය.

එක්සත් ජාතික පක්ෂය යනු දේශපාලන පක්ෂයක් පමණක් නොව ජාතික ව්‍යාපාරයක් බවත් අතීතයේ ගැන කතා කිරීමෙන් ඵලක් නැති බවත්, එක්සත් ජාතික පක්ෂය යනු සැමවිටම ඉදිරියට යන පක්ෂයක් බවත් අගමැතිවරයා පෙන්වා දුන්නේය.

“මම එල්.ටී.ටී.ඊය එක්ක ගිවිසුම් ගහලා නෑ. මට පරාජය වෙන එක හොඳයි. ‍එල්.ටී.ටී.ඊය සමග ගිවිසුම් ගැසීම සමහරුන්ට දේශප්‍රේමි. ලක්ෂ්මන් කදිරගාමර් ඝාතනය කළ අය සමග ගිවිසුම් ගැසීම දේශප්‍රේමි. ඒත් බණ්ඩාරනායක මැතිතුමා ආරම්භ කළ පක්ෂය එජාපය සමග ගිවිසුම් ගැසීම දේශද්‍රෝහි. ඉතින් රටේ ජනතාවට තීරණය කරන්න පුළුවන් කවුද දේශප්‍රේමි කවුද දේශද්‍රෝහි කියලා” අගමැති රනිල් වික්‍රමංසිහ පැවසීය.

ණය බර අඩුකරනවා

2020 වන විට රටේ ණය බර අඩු කරන බවත් රාජපක්ෂවරුන්ගේ ණය ගෙවීමට පරම්පරා ගණනකට ඉඩ නොතබන බව අගමැතිවරයා අවධාරණය කළේය.

තනි තනි කිසිවක් කළ නොහැකි බවත් බෙදා වෙන්වී ද රට දියුණු කළ නෙහෙැකි බවත් ඒ සඳහා දේශපාලන විසඳුමක් ෙගන එ්මට අලුත් ව්‍යවස්ථාවක් සකසමින් සිටින බවත් අගමැති රනිල් වික්‍රමසිංහ කියා සිටියේය.

ත්‍රීකුණාමලය, ගාල්ල, මොණරාගල, මහනුවර, හම්බන්තොට, බස්නාහිර කර්මාන්ත කලාප ඇති කරමින් අලුත් ආර්ථිකයක් බිහිකර රැකියා දසලක්ෂයේ ඉලක්කය ජය ගැනීමට කටයුතු කරන බවද අගමැතිවරයා එහිදී පැවසීය.

උතුරේ ජනතාවට, වතුකරයේ ජනතාවට නිවාස ලබාදීමට ඇති බවත්, එසේම නගරවල පැල්පත්වල ජීවත් වන ජනතාවට, මධ්‍යම පන්තියේ අයට නිවාස ලබාදීමට ඇති බවත්, අගමැතිවරයා පැවසීය.

ඒ අනූව ලබන වසරේ ජනවාරී මාසයේ සිට නිවාස ලක්ෂ 5ක් හැදීමේ වැඩපිළිවෙළක් ආරම්භ කරන බවද, නිවාස සාදාගැනීම සඳහා නව බැංකුවක් ආරම්භ කර එමඟින් ජනතාවට ණය ලබාගැනීමේදී සහන සලසන බවද, සියලුදෙනා වගකීම් දැරීමට එඩිතරව කටයුතු කළ යුතු බවද, සියලු ජාතීන් සමගියෙන් ජීවත් වන රටක් ගොඩනැඟීමට කැපවිය යුතු බවද අග්‍රාමාත්‍යවරයා එහිදී වැඩිදුරටත් කියා සිටියේය.

14333225_10154357651421327_2950902995438672836_n kdm_1148 kdm_1342

Facebook Comments

Loading...