එජාපයේ පසුපෙල මන්ත්‍රීවරුන් ශක්තීමත් කිරිමේ අරමුණින් තම බල ප්‍රදේශවල දේශපාලන කටයුතු සදහා මන්ත්‍රීවරුන්ට ලබාදී තිබී පසුව පවරා ගනු ලැබු වාහන නැවත ආපසු ලබාදීමට මුදල් අමාත්‍ය හා ජනමාධ්‍ය අමාත්‍යවරයා එකඟත්වය පළ කර තිබේ.
එක්සත් ජාතික පක්ෂයේ පසුපෙළ මන්ත්‍රීවරු පිරිසක් තමන්ට පක්ෂයෙන් සිදුවන අයුක්තිය සහ අසාධාරණය පිළිබද සාකච්ජා කිරීමට 18 අඟහරුවාදා රාත්‍රීයේ මංගල සමරවීර ඇමතිවරයා හමුවු අතර එහිදී ඇමතිවරයා මෙම පොරොන්දුව ලබා දී ඇත.
මෙම අවස්ථාවට එජාපයේ පසුපෙළ මන්ත්‍රීවරුන් 16 දෙනෙකු පමණ සහභාගී වී ඇති බව ආරංචි මාර්ග පවසයි.
පසුගිය 20 වසර තුළ එජාපයට කැපවී වැඩ කළ තමන්ට එජප රජයක් බලයට පත්වීමෙන් පසුවත් යුක්තිය හා සාධාරණය ඉටුකිරීමට නොහැකි වීම නිසා පාක්ෂිකයන්ට මුහුණදීමට නොහැකි තත්ත්වයක් උදාවී ඇති බව මන්ත්‍රීවරුන් විසින් අමාත්‍ය මංගල සමරවීර හට පෙන්වා දී තිබේ.
මේ හේතුවෙන් ඉදිරියේ දී පක්ෂයේ කටයුතු වලට පක්ෂිකයන්ගේ සහයෝගය ලබාගැනීමට නොහැකි වීමේ අවදානමක් පවතින බවද ඇමතිවරයාගේ අවධානයට යොමු කල බව නම සඳහන් කිරිමට නොකැමති වු මන්ත්‍රීවරයෙක් සිලොන් ජර්නල්ස් වෙත පැවසීය.
Facebook Comments
