රට ඉදිරියට යන්නේ ප්‍රජාතන්ත්‍රවාදය, සංහිඳියාව සහ සංවර්ධනය මතයි

0

ශ්‍රී ලංකාව අද වන විට තරු පහේ නොව තරු හතේ ප්‍රජාතන්ත්‍රවාදයකින් හෙබි රටක් බව පවසන මුදල් හා ජනමාධ්‍ය අමාත්‍යවරයා ප්‍රජාතන්ත්‍රවාදය, සංහිඳියාව සහ සංවර්ධන යන කුලුනු තුන මත රට ඉදිරියට ගමන් කරමින් තිබෙන බව පෙන්වා දෙයි.

නිදහසෙන් පසු ශ්‍රී ලංකාව ගමන් කළේ ජාතිවාදය, ආගම්වාදය, කුල භේදය පමණක් නොව පක්ෂ භේදය දෙසට බව පෙන්වා දෙන මංගල සමරවීර අමාත්‍යවරයා හි ප්‍රතිඵලය වූයේ තරුණ කැරලි දෙකක් සහ වසර 30ක් දිග්ගැස්සුණු යුද්ධය බවයි පවසන්නේ.

උතුරේ හෝ දකුණේ හෝ ඒවායින් මිය ගියේ රටට වැඩදායී තරුණ කොටස් බව මංගල සමවීර අමාත්‍යවරයා කියා සිටියේ සහකාර රේගු අධිකාරීවරුන් 68 දෙනෙකුට පත්වීම් ලිපි ප්‍රදානය කිරීම සඳහා 24 බ්‍රහස්පතින්දා පැවති උත්සවය අමතමිනි.

යුද්ධයේ මුවාවෙන් ඒකාධිපති මාර්ගය ඔස්සේ ගමන් කරන්නට ඇතැමුන් උත්සහ කළ ද 2015 දී එම ප්‍රයත්නය ව්‍යර්ථවු බවත් මේ වන විට රට තුල ජනාධිපතිවරයා, අගමැතිවරයා වුව විවේචනය ලක් කළ හැකි ප්‍රජාතන්ත්‍රවාදයක් ස්ථාපිත වී ඇති බවයි පෙන්වා දෙන්නේ.

සංවර්ධනයට සංහිඳියාව

රටේ සංවර්ධනයට අත්‍යාවශ්‍ය සාධකයක් ලෙස සංහිඳියාව හැඳින්වු අමාත්‍යවරයා සිංහල දෙමළ මුස්ලිම් බර්ගර් මැලේ මේ සියලු ජාතීන්ට එක්ව ජීවත් විය හැකි පරිසරයක් නිර්මාණය කර දී ඇත්තේ එම නිසා බව කියා සිටියේය.

එහෙත් සිංහ ලේ, දෙම ලේ, මුස්ලිම් ලේ ආදී වශයෙන් වූ විවිධ ජාතිවාදී අවතාර තව දුරටත් පවතින බව කී මංගල සමරවීර අමාත්‍යවරයා ඔවුන්ට කිසි විටෙක රට ආපස්සට හැරවීමට ඉඩ ලබා දිය යුතු බවයි වැඩි දුරටත් අවධාරණය කරන්නේ.

Facebook Comments

wedding people