පසුගිය පළාත් පාලන මැතිවරණයේදී ප්‍රධාන දේශපාලන පක්ෂ දෙක එකට මැතිවරණයට ඉදිරිපත් වීමට තමන් කරන ලද යෝජනාවට ලොකු පණ්ඩිතයෝ එරෙහි වු බැවින් ප්‍රධාන පක්ෂ දෙකම පරාජයට පත් වු බව සුව ඇමැතිවරයා කියා සිටි.
තම යෝජනාවට අග්‍රාමාත්‍යවරයා කැමැත්ත පළ කල නමුත් ජනාධිපතිවරයා ලග සිටි නීතිඥවරුන් වෙන මතයක් දැරු බව 21 සෙනසුරාදා පානදුර ප්‍රාදේශීය ලේකම් කොට්ඨාසයේ අවමංගල්‍යාධාර, තරුණ සහ කාන්තා සමිති 14 කට උපකරණ බෙදාදීමේ උත්සවයකට එක්වෙමින් ඇමැති රාජිත සේනාරත්න කියා සිටියේය.
“පළාත් පාලන මැතිවරණයේදීත් මම යෝජනනා කළා ප්‍රධාන දේශපාලන පක්ෂ දෙක එකට මැතිවරණයට ඉදිරිපත් වෙමු කියලා. නමුත් ඊට වඩා ලොකු පණ්ඩිතයෝ හිටියා අපට දේශපාලනය උගන්වන්න. යෝජනාව අග්‍රාමාත්‍යවරයා පිළිගත්තත් ජනාධිපතිවරයා ලග සිටි නීතිඥවරුන් වෙන මතයක් දැරුවා. එම නිසා තමයි අන්ද මන්ද ඡන්ද ප්‍රතිඵලයක් ලැබුනේ.” යැයි ඇමැතිවරයා ප්‍රකාශ කළේය.
විද්‍යාත්මක අමාත්‍ය මණ්ඩලය
නව පුර්ණ අමාත්‍ය මණ්ඩලය ලබන සතියේ දී දිවුරුම් දෙන බව පවසන සෞඛ්‍ය, පෝෂණ හා දේශිය වෛද්‍ය අමාත්‍ය හා රජයේ සම කැබිනට් මාධ්‍ය ප්‍රකාශක දොස්තර රාජිත සේනාරත්න නව කැබිනට් මණ්ඩලය විද්‍යාත්මක හැදැරීමක් යටතේ සකස් කර ඇති බවයි පෙන්වා දෙන්නේ.
ජනාධිපතිවරයා මහා බ්‍රිතාන්‍ය යේ සිට පැමිණි පසු කැබිනට් මණ්ඩලය පිළිබද ලේඛණය සාකච්ඡා කිරීමෙන් අනතුරුව දිවුරුම් දීමට නියමිත බව ද සුව ඇමැතිවරයා කියා සිටියේය.
“මෙම නව කැබිනට් මණ්ඩලය විද්‍යාත්මක හැදැරීමක් යටතේ සකස් කර තිබෙනවා. පුර්ණ කැබිනට් මණ්ඩලයක් තමයි දිවුරුම් දෙන්නේ. දැනට සකස් කර ඇති කැබිනට් මණ්ඩලය පිළිබද ලේඛණය ජනාධිපතිවරයා මහා බ්‍රිතාන්‍ය යේ සිට පැමිණි පසු සාකච්ඡා කිරීමෙන් අනතුරුව දිවුරුම් දීමට නියමිතයි. ඉන් පසු එක ගමනක් යමින් ඉදිරි මැතිවරණ ඉළක්ක කර ගනිමින් රජය නව වැඩපිළිවෙළක් දියත් කරනවා.”
ඒකාබද්ධ විපක්ෂය පරාදයි
මුස්ලිම් සහ දෙමළ ජනතාවගේ ඡන්ද ඒකාබද්ධ විපක්ෂයට නොලැබෙන බව අවධාරණය කරන ඇමැති රාජිත සේනාරත්න ඔවුන්ට වසර 2020 පැවැත්වෙන මැතිවරණය ජය ගැනීමට නොහැකි බවයි පෙන්වා දෙන්නේ.
වත්මන් රජය සියලුම බලවේග ඒකාබද්ධ කර ගනිමින් මැතිවරණය ජයග්‍රහණය කරන බව මෙන්ම පාඩම් ඉගෙන ගෙන තිබෙන නිසා හොඳ ගමනක් යාමට හැකි බවට ඇමැතිවරයා වැඩි දුරටත් විශ්වාසය පළ කළේය.
Facebook Comments
