අධිකරයෙන් ලද අවසරයෙන් ප්‍රතිකාර ලබා ගැනීමට යැයි පවසා විදේශ ගත වී ඇති හිටපු ආරක්ෂක ලේකම්වරයා මේතාක් පෙරළා මෙරටට පැමිණ නැති බව උසාවියේ දී හෙළිව තිබේ.
පසුගිය නඩු වාරයේදී ගෝඨාභය රාජපක්ෂ හට මැයි මස 24 සිට මැයි 31 දක්වා විදෙස් ගත වීමට අධිකරණය විසින් අවසර ලබා දී තිබුනි.
විදෙස් ගත වීමට අවසර ලබා දුන් අධිකරණය ගෝඨාභය රාජපක්ෂගේ සෞඛ්‍ය තත්ත්වය පිළිබඳව වාර්තාවක් ඉදිරිපත් කරන ලෙස ද නියෝගයක් නිකුත් කළේය.
එම නියෝගයට අනුව හිටපු ආරක්ෂක ලේකම් වෙනුවෙන් පෙනී සිටින නීතිඥ අලි සබ්රි විසින් 03 සඳුදා අධිකරණයට මෝසම් ඉදිරිපත් කරමින් තම සේවාදායකයා හට තවත් වෛද්‍ය පරීක්ෂණ කිහිපයක් සිදු කිරිමට නියමිත බව කියා සිටියේය.
රජයේ මුදල් රුපියල් මිලියන 38ක් වැය කරමින් තම පියාගේ නමින් කටුගෙයක් හා ස්මාරකයක් ඉදිකිරීම සම්බන්ධව ගෝඨාභය රාජපක්ෂ හට කොළඹ ත්‍රිපුද්ගල ස්ථිර මහාධිකරණය හමුවේ මෙසේ නඩු පවරා ඇති අතර එම නඩුව ලබන 19 වනදා නැවත කැඳවන ලෙස නියෝග කළේය.
Facebook Comments
