පොදු රාජ්‍ය මණ්ඩලීය රාජ්‍ය නායක සමුළුවට ජනාධිපතිතුමා සමග සහභාගී වූ නිල දූත පිරිස සීයකට අධික බවට පලවන වාර්තා අසත්‍ය බව ජනාධිපති මාධ්‍ය අංශ පවසයි.
එම සංචාරයේ නිල දූත පිරිස ලෙස ජනාධිපති බිරිඳ, ජනාධිපතිවරයාගේ නිල වෛද්‍යවරයා, අමාත්‍ය තිලක් මාරපන සහ ඔහුගේ බිරිඳ, අමාත්‍ය නිමල් සිරිපාල ද සිල්වා, භාෂා පරිවර්තක සහ විදේශ කටයුතු අමාත්‍යාංශයේ නිලධාරීන් දෙදෙනෙකු පමණක් සහාභාගි වු බවයි නිවේදනයක් නිකුත් කරන ජනපති මාධ්‍ය ඒකකය පවසන්නේ.
නිල දූත පිරිසට අයත් නොවූවත් ජනාධිපති මාධ්‍ය අංශයේ විද්‍යුත් හා මුද්‍රිත වාර්තාකරුවන් සහ රජයේ හා පෞද්ගලික මාධ්‍ය ආයතන නියෝජනය කරමින් මාධ්‍යවේදීන් කිහිපදෙනෙක් ද ජනාධිපති ආරක්ෂක අංශයේ නිලධාරීන් කිහිපදෙනෙක් ද මීට එක්ව සිටින බව ද එම ඒකකය කියා සිටි.
පොදු රාජ්‍ය මණ්ඩලයීය රාජ්‍ය නායක සමුළුවට හෝ ඊට සමගාමීව පැවති වෙනත් කිසිදු හමුවකට ජනාධිපති කාර්යාලයේ වියදමින් කිසිදු පුද්ගලයෙක් සහභාගී වී නොමැති බවයි ජනාධිපති මාධ්‍ය අංශය අවධාරණය කරන්නේ.
මුදල් අමාත්‍ය මංගල සමරවීර සහ කර්මාන්ත හා වෙළෙඳ අමාත්‍ය රිෂාඞ් බදුර්දීන් සහභාගී වී ඇත්තේ ආර්ථික සමුළුවට බව ද දන්වා සිටින අතර එම ආර්ථික සමුළුව නියෝජනය කළ කිසිදු පාර්ශ්වයකට ජනාධිපති කාර්යාලය දරා නොමැති බව ජනාධිති මාධ්‍ය ඒකකය වැඩි දුරටත් නිවේදනය කරයි.
Facebook Comments
