සංචාරක කර්මාන්තය දියුණු කිරිමේ අරමුණින් ඉරණවිල ඇමරිකන් හඬ ගුවන් විදුලි සම්ප්‍රේෂණාගාර ස්ථාපිත කර තිබු භුමියේ ගෝල්ෆ් හෝටලයක් ඉදිකරන බව එම ප්‍රදේශයේ එක්සත් ජාතික පක්ෂ පාර්ලිමේන්තු මන්ත්‍රීවරයෙක් කියා සිටි.
කටුනාය, හලාවත හරහා කල්පිටිය දක්වා ප්‍රදේශය සංචාරක පුරවරයක් ලෙස නිර්මාණය කිරීමට වත්මන් රජය සැලසුම් කර ඇති බවයි පුත්තලම් දිස්ත්‍රික් පාර්ලිමේන්තු මන්ත්‍රී හෙක්ටර් අප්පුහාමි පවසන්නේ.
විදේශ අයෝජකයන් හරහා මෙම ප්‍රදේශයට ව්‍යපෘති ලබා ගැනීමට බලාපොරොත්තු වන බව කී මන්ත්‍රීවරයා ඒ හරහා සංචාරකයන් ගෙන්වා ගැනීම තම රජයේ අරමුණ බවද පැහැදිලි කළේය.
එම අයෝජන හරහා රටට විශාල මුදලක් ලැබෙන බවට ව්ශ්වාසය පළ කරන හෙක්ටර් අප්පුහාමි මන්ත්‍රීවරයා ණය නොගෙන රට දියුණු කිරීමට එම ව්‍යපෘති උපයෝගී වනු ඇති බවද කියා සිටියේය.
හලාවත ඉරණවිල ප්‍රදේශයේ පිහිටි හෙක්ටයාර 166.038ක ඉඩම් කොටසක්, “ඇමරිකන් හඬ“ (Voice of America) ගුවන් විදුලි සම්ප්‍රේෂණාගාරයක් ශ්‍රී ලංකාවේ පිහිටුවීම සඳහා 1991 වසරේදී ඇමරිකා එක්සත් ජනපද තානාපති කාර්යාලය වෙත බදු දුන් අතර බදු ගිවිසුමේ කාලය අවසන් වීමට පෙර එකී ගුවන් විදුලි සම්ප්‍රේෂණාගාරය වසා දමා එම සම්ප්‍රේෂණාගාරය පිහිටි ඉඩම සහ එම පරිශ්‍රයේ පිහිටි අනෙකුත් වත්කමි හා දේපළ ශ්‍රී ලංකා රජය වෙත භාර දුනි.
Facebook Comments
