ඩුබයි සිට මෙරටට පිටුවහල් කරන ලද ගායක නදීමල් පෙරේරාගෙන් පැය 7කට වැඩි කාලයක් ප්‍රකාශයක් සටහන් කර ගැනීමෙන් අනතුරුව මුදා හැර තිබේ.
මාකඳුරු මධුෂ් සමඟ සිට ඩුබායි පොලිසිය විසින් අත්අඩංගුවට ගත් නදීමාල් පෙරේරා හා බන්ධනාගාර නිලධාරියෙකු වන කෝදාගොඩ ආරච්චිගේ ලලිත් කුමාර දින 50කට ආසන්න කාලයක් රඳවා තබා ගැනීමෙන් අනතුරුව මෙරටට පිටුවහල් කර තිබුණි.
නදීමාල් පෙරේරා හා බන්ධනාගාර නිලධාරියා මෙරටට පැමිණිමෙන් අනතුරුව අපරාධ පරීක්ෂණ දෙපාර්තුමේන්තුව හා මත්ද්‍රව්‍ය නාශක කාර්යංශය ඔවුන් දෙදෙනා සිය බාරයට ගන්නා ලදී.
කෙසේ වෙතත් මෙලෙස වෙනත් රටකින් පිටුවහල් කරනු ලබන තැනැත්තෙකු මෙසේ සිය රටේ ආරක්ෂක අංශ විසින් ප්‍රශ්න කිරීම සමාන්‍ය සිද්ධියක් බව නිතීඥ උදුල් ප්‍රේමරත්න සිලෝන් නිව්ස් වෙත කියා සිටියේය.
ඩුබායි රාජ්‍යයෙන් පිටුවහල් කරන ලද බන්ධනාගාර නිලධාරියා කළුතර බන්ධනාගාරයේ බන්ධනාගාර නියාමකවරයෙක් වන අතර ඔහු අසනීප නිවාඩු ලබා කලක සිට සේවයට වාර්තා නොකළ පුද්ගලයෙක් බවයි බන්ධනාගාර ආරංචි මාර්ග පවසන්නේ.
වැඩිදුර විමර්ශන සදහා බන්ධනාගාර නිලධාරියා කොළඹ අපරාධ කොට්ඨාසයට බාර දෙන බවයි පොලිස් මාධ්‍ය ප්‍රකාශකවරයා පවසන්නේ.
Facebook Comments
