ජාතික ප්‍රශ්න සම්බන්ධයෙන් එක්සත් ජාතික පක්ෂයේ පසුපෙල මන්ත්‍රීවරුන්ගේ මැදිහත්වීම පිළිබඳව කණස්සල්ල පළ කර ඇති මුදල් ඇමැතිවරයා රට ගැන හා අනාගත පරපුර ගැන සිතා දැක්මක් ඇතිව වැඩ කරන ලෙසට ඔවුන්ගෙන් ඉල්ලීමක් කර තිබේ.
ඡන්දය ගැන මනාපය ගැන හිතන්නේ නැතුව රට ගැන, අනාගත පරම්පරාව ගැන හිතල හරි දැක්මක් ඇතුව වැඩ කලොත් අපට මෙරට යළි ගොඩනගන්න පුළුවන්.. අපේ තරුණ මන්ත්‍රීවරුන් මේගැන සැලකිල්ලට ගනීවි කියලා මම විශ්වාස කරනවා. යැයි මංගල සමරවීර අමාත්‍යවරයා පසුගියදා ආණ්ඩු පක්ෂ මන්ත්‍රී කණ්ඩායම හමුවේදී සඳහන් කර ඇත.
රටට අනාගතයක් තිබෙනවාද නැද්ද යන්න ගැන තීරණය වන්නේ එජාප පසුපෙළ මන්ත්‍රීවරුන් ජාතික ප්‍රශ්න වලදී පක්ෂයේ මුලික ප්‍රතිපති මත පිහිටා ඉදිරියේදී ගනුලබන ක්‍රියාමාර්ග මත බව ද අමාත්‍යවරයා අවධාරණය කර තිබේ.
තරුණ මන්ත්‍රීවරුන් දේශපාලනය පිළිබඳව තවදුරටත් හැදෑරිය යුතු බවට යෝජනා කර ඇති අමාත්‍යවරයා නැතහොත් සිදු වන්නේ අන්තවාදී ආගමික නායකයන්ට බයෙන් දේශපාලනය කිරීමට බවට අනතරු අඟවා ඇත.
“පක්ෂයක් කියන්නේ නිශ්චිත දැක්මක් හා ඒ මත ක්‍රියාත්මක වන වැඩපිළිවෙලක් සහිත දේශපාලන ව්‍යුහයකට. අපේ පක්ෂයේ තරුණ මන්ත්‍රීවරුන් මිටවඩා දේශපාලන විද්‍යාව ගැන හැදෑරිය යුතුයි. නැත්නම් වෙන්නේ අන්තවාදී ආගමික නායකයින්ට බයේ ඉන්න. උන්වහන්සේලා කියන කියන පදයට නටන්න.”
මුස්ලිම් දේශපාලනඥයින් ඇමතිධුරවලින් එළවීමට අන්තවාදී ආගමික නායකයින් ගත් ක්‍රියා මාර්ග දැඩි දෝෂාරෝපණයට ලක් කර ඇති මුදල් අමාත්‍ය මංගල සමරවීර ඒ සම්බන්ධව ආණ්වේ හැසිරීම ද විවේචයට ලක් කළ බව වැඩි දුරටත් වාර්තා වේ.
Facebook Comments
