රට තුළ පවත්නා දේශපාලන අවිනිශ්චිත බව තුරන් කිරීම සඳහා හදිසි මහ මැතිවරණයක් කැඳවීම සම්බන්ධව අගමැති රනිල් වික්‍රමසිංහ සහ විපක්ෂ නායක මහින්ද රාජපක්ෂ අතර අදහස් හුවමාරුකර ගැනීමක් සිදුව ඇතැයි වාර්තා වේ.
දුරතකනය ඔස්සේ සිදු කර ඇති එම සාකච්ඡාවේදී කැබ්නට් රැස්වීම වර්ජනය කිරීමට ජනාධිපතිවරයා ගෙන ඇති ක්‍රියාමාර්ග සම්බන්ධව ද අවධානය යොමු වී ඇති බවයි ද ලීඩර් වෙබ් අඩවිය සඳහන් කරන්නේ.
පාර්ලිමේන්තුව විසුරුවා හැර මහ මැතිවරණයක් කැඳවීමට ආණ්ඩුව පාර්ශවයෙන් යෝජනාවක් ඉදිරිපත් වුවහොත් ඒ සඳහා සහාය දීමට විපක්ෂ නායකවරයා මෙහිදී අගමැතිවරයාට සහතිකවී ඇතැයි දැනගන්නට ලැබී ඇති බව එම වෙබ් අඩවිය වාර්තා කර ඇත.
පසුපෙළ විරෝධය
කෙසේ වෙතත් මේ සම්බන්ධව ද ලීඩර් වෙබ් අඩවිය කරන ලද විමසීමක දී නම සඳහන් කරනවාට අකමැත්තක් දක්වා ඇති එජාප පසුපෙළ මන්ත්‍රීවරයෙකු පවසා ඇත්තේ නියමිත කාලයට පෙර පාර්ලිමේන්තුව විසුරුවා හැරීමේ යෝජනාවක් ඉදිරිපත් වුවහොත් ඊට දැඩි ලෙස එරෙහි වන බවයි.
ජනාධිපතිවරණයට පෙර යම් මොහොතක හදිසි මහ මැතිවරණයකට යාමට සිදුවුවහොත්, එක්සත් ජාතික පක්ෂය සජිත් ප්‍රේමදාසගේ නායකත්වය යටතේ ඉදිරිපත්විය යුතු බව එජාප බහුතරයකගේ මතයවී ඇතැයි ද ඔහු අවධාරණය කර බවයි වැඩි දුරටත් වාර්තා කරන්නේ.
Facebook Comments
