කෘතිම රා ජාවාරමක් සිදුකර ගෙන යෑම සඳහා එජාප නවක පාර්ලිමේන්තු මන්ත්‍රීවරයෙකු විසින් අතහිත ලබා දෙන බවට සිලෝන් ජර්නල්ස් වෙත වාර්තා වනවා.
මෙම මන්ත්‍රීවරයා විසින්ම මීට පෙර තම තීරු බදු රහිත වාහන බලපත්‍රය විකිණිම සම්බන්ධව සහ ඔහුගේ ගෝලබාලයන් විසින් කරගෙන යන බොරළු ජාවාරමක් පිළිබඳව ද අප හෙළිදරව් කරන ලදී.
කෘතිම රා ජාවාරම නිසා වතුකරයේ ජන ජිවිතයට සිදු වී ඇති බලපෑම පිළිබඳව මාධ්‍ය විසින් කිහිපවරක්ම හෙළි කරන ලද අතර වතුකරයට කෘතිම රා සපයන ප්‍රධානතම ප්‍රදේශ වන්නේ නාත්තන්ඩිය සහ මාදම්පේ නගරයි.
නාත්තන්ඩිය ප්‍රදේශයේ විශාලතම කෘතිම රා නිෂ්පාදනාගාරය පවත්වාගෙන යාමට මෙම නවක මන්ත්‍රීවරයාගේ ආශිර්වාදය ලැබෙන බවයි එම ප්‍රදේශයේ ජනතාව පවසන්නේ.
මෙම නවක මන්ත්‍රීවරයා විසින් තමන්ට ලැබුණ ප්‍රථම තීරු බදු රහිත වාහන මිලදී ගැනීමේ බලපත්‍රයද මෙම රා ජාවාරම්කරු හට විකුණා ඇති අතර ජාවාරම්කරු එය භාවිතා කරමින් කෝටි 06 පමණ වටිනා මෝටර් රථයක් මිලදී ගෙන ඇත.
මිට පෙර මෙම රා ජාවාරම්කරු එම ප්‍රදේශයේ එක්සත් ජනතා නිදහස් සන්ධානයේ මන්ත්‍රීවරයා සමඟ එක්ව මෙම ජාවාරම සිදුකර ඇති අතර ඔහු පරාජය වීමත් සමඟ එජාප මන්ත්‍රීවරයා සමඟ එක්ව ජාවාරම සිදුකර ගෙන යයි.
මෙවැනි ජාවාරම් මැඩ පැවැත්වීමට තමන් යහපාලන රජය බිහි කලද යහපාලන රජය ඔස්සේද මෙවැනි ජාවාරම් පෙරටත් වඩා හොඳින් සිදුවීම කණගාටුදායක බවයි එම ප්‍රදේශයේ ජනතාව පවසන්නේ.
මන්ත්‍රීවරයා මෙම ජාවාරම්කරු සමඟ සමීප සම්බන්ධයක් පවත් වන අතර එම හේතුවෙන් මෙම මන්ත්‍රීවරයාට බලයට පත්වීමට උපකාර කළ බොහෝ දෙන‍ා ඔහුගෙන් ඈත් වී ඇති බවයි මන්ත්‍රීවරයාගේ හිටපු ආධාරකරුවෙකු පවසා සිටියේ.
අදාළ නිලධාරින්ට මෙම ජාවාරම් මැඩ පැවැත්විමට නොහැකි වී ඇත්තේ ජාවාරම්කරු හා මන්ත්‍රීවරයා අතර පවතින සමීප සම්බන්ධතාව නිසාත් දේශපාලනික අත පෙවීම් නිසාත් බවයි ආරංච් මාර්ග සඳහන් කරන්නේ.
මෝටර් රථ ලියාපදිංචි කිරිමේ දෙපාර්තුමේන්තුවට කූඨ ලේඛන ඉදිරිපත් කරමින් නීති විරෝධි ලෙස යතුරු පැදි ලියාපදිංචි කිරිමේ ජාවාරමක් මෙම මන්ත්‍රීවරයා විසින්ම සිදු කරගෙන යන අතර අප ඉදිරියේදී ඒ පිළිබඳව අනාවරණය කරන්නෙමු.
Facebook Comments
