රස කැවිලි නිෂ්පාදනය සඳහාද වර්ණ සංකේත ක්රමයක් හඳුන්වාදීමට අවධානය යොමුව ඇතැයි සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න පවසනවා.
ලංකා රසකැවිලි නිෂ්පාදකයින්ගේ සංගමයේ නියෝජිතයින් සමග පැවති සාකච්ඡාවකදී අමාත්‍යවරයා මේ බව පවසා ඇත.
බෝ නොවන රෝග පාලනය කිරීමේ අරමුණින් මෙම පියවර ගන්නා බව අමාත්‍යවරයා පෙන්වා දී තිබේ.
ඒ අනුව කේක්, දොදොල්, බූන්දී, බිස්කට් වර්ග ඇතුළු සියලුම රසකැවිලි සඳහා වර්ණ සංඛේත ක්රමයක් හදුන්වාදීමට පියවර ගන්නා අතර ඊට අදාළ නීති රීති ඉදිරියේදී ගැසට් පත්‍රයක් මගින් ප්‍රකාශයට පත් කරන බවයි රාජිත සේනාරත්න අමාත්‍යවරයා මෙහිදි ප්‍රකාශ කර ඇත්තේ
මෙම වර්ණ සංකේත මගින් ආහාරවල අඩංගු සීනි, ලුණු සහ මේද ප‍්‍රමාණයන් පිළිබඳ ජනතාවට අවබෝධයක් ලබාදීම සිදු කෙරෙනවා.
පැණි බීම සඳහා වර්ණ සංඛේත ක්රමයක් සෞඛ්‍ය අමාත්‍යාංශය විසින් පසුගිය අගෝස්තු මස පළමු වැනිදා සිට හඳුන්වාදෙනු ලැබීය.
Facebook Comments
