බලපත්‍ර නොමැතිව අලි පැටවෙකු ළඟ තබාගැනීම සම්බන්ධයෙන් චෝදනා එල්ල වී සිටින හිටපු මහේස්ත්‍රාත් තිළිණ ගමගේ ඇප කොන්දේසි ලිහිල් කිරීමට කොළඹ මහාධිකරණය නියෝග කර තිබේ.
අදාළ චෝදනාව සඳහා ඇප ලබාදීමේ දී කොළඹ මහාධිකරණය විසින් තිළිණ ගමගේ සතියකට වරක් අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස මීට පෙර නියෝග කර තිබුණි.
කෙසේ වෙතත් එම ඇප කොන්දේසි ලිහිල් කරන ලෙස තිළිණ ගමගේ ඉල්ලීමක් කර ඇති අතර එම ඉල්ලීම සලකා බැලූ කොළඹ මහාධිකරණ විනිසුරු මනිලාල් වෛද්‍යතිලක ඇප කොන්දේසි සංශෝධනය කිරීමට පියවර ගෙන ඇති බව සඳහන්ය.
ඒ අනුව තිළිණ ගමගේ මසකට වරක් අපරාධ පරීක්ෂණ දෙපාර්තමේන්තුව හමුවේ පෙනී සිටීම ප්‍රමාණවත් බව කොළඹ මහාධිකරණ විනිසුරු මනිලාල් වෛද්‍යතිලක දැනුම් දී තිබේ.
Facebook Comments
