බ්‍රසීලයේ හිටපු ජනපතිට වසර නවය හමාරක සිර දඬුවමක්

0

බ්‍රසීලයේ හිටපු ජනපති ලුයිස් ඉනාෂියෝ ලුලා ද සිල්වා දූෂණ චෝදනාවලට වරදකරු වීම හේතුවෙන් වසර නවය හමාරක සිර දඬුවමක් නියම වී තිබේ.

එරට අධිකරණ විනිසුරුවරිය තීරණය කර ඇත්තේ අභියාචනයක් ඉදිරිපත් කරන තෙක් ඔහුට නිදහස්ව සිටිය හැකි බවයි.

බ්‍රසීලයේ තෙල් සමාගමක් සමග සම්බන්ධ වී අල්ලස් මුදල් ලබා ගත් බවට බ්‍රසීලයේ හිටපු ජනපති ලූලා ද සිල්වාට චෝදනා එල්ල වී ඇති අතර ඔහු එම චෝදනා ප්‍රතික්ෂේප කර තිබේ.

බ්‍රසීලයේ හිටපු ජනපති ලූලා ද සිල්වා වාමාංශික කම්කරු පක්ෂයෙන් ඉදිරි මැතිවරණයට යළි ඉදිරිපත් වීමට ඉඟි පළ කර ඇති බව ද විදෙස් වාර්තාවන්හි දැක්වේ.

රජයේ තෙල් සමාගමක් සමග ගිවිසුම්ගත වීමේ අරමුණින් එරට ඉංජිනේරු සමාගමකින් අල්ලස් ගත් බවට නැගුණු චෝදනාවට හිටපු ජනපතිවරයා වරදකරු බව එරට අධිකරණය ඊයේ තීරණය කළේ ය.හිටපු ජනපති ලූලා ද සිල්වා 2011 වසර දක්වා වසර 8ක කාලයක් බ්‍රසීල ජනාධිපති ලෙස කටයුතු කළේ ය.

Facebook Comments

wedding people