පසුගිය කාලය තුළ ඇතැම් මැති ඇමැතිවරුන්ගේ ක්‍රියාකලාපයන් මෙන්ම මහජන අප්‍රසාදයට ලක්වීම සහ අකාර්යක්ෂම අමාත්‍යවරුන් පිළිබඳ අවධානය යොමු කර ඇති ජනාධිපතිවරයා කැබිනට් සංශෝධනයක් සම්බන්ධයෙන් අවධානයෙන් පසුවන බව ඇමති මහින්ද අමරවීර සති අන්ත පුවත් පතකට ප්‍රකාශ කර ඇත.
අකාර්යක්ෂම සහ චෝදනාවලට ලක්වූ ඇමැතිවරුන්ගේ අමාත්‍යාංශ ඕනෑම මොහොතක වෙනස්වීමේ හෝ අහිමි වීමේ තත්ත්වයක් පවතින බවයි ඇමතිවරයා සිය ප්‍රකාශය මඟින් අවධාරණය කර ඇත්තේ.
මෙම කැබිනට් සංශෝධනය බොහෝ විට මේ සතිය ඇතුළත දී සිදුවීමට ඉඩ ඇති බවටයි ජනාධිපති ලේකම් කාර්යාලයේ ආරංචි මාර්ග පවසන්නේ.
මේ අනුව ඇමතිවරුන් කිහිප දෙනෙක්ට තම අමාත්‍ය ධුරයන් අහිමි වන බව සහ තවත් ප්‍රබල අමාත්‍ය ධුරයන් කිහිපයකම වෙනස් කම් සිදුවීමට නියමිතව ඇති බවයි සිලෝන් ජර්නල්ස් වෙත වාර්තා වන්නේ.
Facebook Comments
