සෞඛ්‍ය ඇමති ධුරයට එරෙහි කුමන්ත්‍රණයක් ගැන රාජිතගෙන් හෙළිදරව්වක්

0
401
wedding people

සෞඛ්‍ය අමාත්‍ය ධුරයෙන් තමා ඉවත් කර වෙනත් අයෙක් ඒ සඳහා පත් කර ගැනීමට සුදානමක් පවතින බව සෞඛ්‍ය අමාත්‍ය රාජිත සේනාරත්න පවසනවා.

මෙම කුමන්ත්‍රණයට දුම්කොළ සමාගම සහ ඖෂධ සමාගම් ඉදිරියේ දී යහමින් මුදල් වැයකරනු ඇති බවත් ඔවුන් ඒකාබද්ධ විපක්ෂය මෙන්ම ජනතා විමුක්ති පෙරමුණද ඒ සඳහා යොදා ගැනීමට උත්සහ කරනු ඇති බවටයි ඇමතිවරයා විශ්වාසය පල කරන්නේ.

දුම්කොළ සමාගම වලට දැඩී නීති ගෙන ඒමත් ඖෂධ මාෆියාවට එරෙහිව තමන් කරගෙන යනු ලබන අරගලය පරාජය කිරීමට එම සමාගම් තමන්ව සෞඛ්‍ය අමාත්‍ය ධුරයෙන් ඉවත් කිරීමට උත්සාහ කරන බවටයි ඇමතිවරයා චෝදනා කර සිටියේ.

බෝනොවන රෝග වැළැක්වීමේ අරමුණින් කායවර්ධන මධ්‍යස්ථාන පිහිටුවීමේ වැඩසටහන යටතේ 11 වන සෙනසුරාදා කළුතර දිස්ත්‍රික්කයේ පයාගල රාජිත සේනාරත්න ක්‍රිඩාංගණයේ සහ මග්ගොන ක්‍රීඩාංගණයේ ඉදිකරන ලද කායවර්ධන මධ්‍යස්ථාන විවෘත කරමින් ඇමතිවරයා මේ බව සඳහන් කළ අතර “රජය හදන එකට වඩා පවත්වාගෙන යාම තමයි අමාරු. ලෙනින් පවා ඒ බව ප්‍රකාශ කර තිඛෙනවා. රජය ආරක්ෂා කිරීමට මම කැපවී සිටිනවා.” යැයි ඇමතිවරයා වැඩිදුරටත් සඳහන් කළේය.

Facebook Comments