ඉන්දීය බැතිමතුන් කච්චතිව් මංගල්‍ය වර්ජනය කරයි

0

කච්චතිව් දූපතේ පිහිටි ශාන්ත අන්තෝනි මුනිඳුන්ගේ දේවස්ථානයේ අද (මාර්තු 12) පැවැත්වුණු වාර්ෂික මංගල්‍යයට සහභාගිවීම ඉන්දීය බැතිමතුන් වර්ජනයකර තිබුණි.

පසුගියදා නාවික හමුදාව විසින් ඉන්දීය ධීවරයකුට වෙඩි තැබුව බවට වන චෝදනා මුල්කරගනිමින් ඉන්දීය බැතිමතුන් මංගල්ලය වර්ජනය කර ඇති බවටයි මංගල්‍යයට සහභාගි වූ නාවික හමුදාපති වයිස් අද්මිරාල් රවීන්ද්‍ර විජේගුණරත්න සඳහන් කර ඇත්තේ.

නාවික හමුදාවේ සහයෝගයෙන් සිදු කෙරෙන මංගලයට ඉන්දීය බැතිමතුන් 5100ක් පමණ බෝට්ටු 152කින් පැමිණෙන බව කලින් දැණුම්දී තිබුණද මෙවර සහභාගී වූයේ ලාංකික බැතිමතුන් 6600ක් පමණක් බව නාවික හමුදාව පවසනවා.

මේ අතර වෙනත් වසරවල මේ මංගල්‍ය වාර්තා කිරීමට ඉන්දීය මාධ්‍යවේදීන්ද පැමිණෙන අතර මෙවර ඉන්දීය මාධ්‍යවේදීන්ද පැමිණ නැතැයි වාර්තා වේ.

ඉන්දීය ධීවරයෙක්ට වෙඩි තැබු බවට වන චෝදනා ප්‍රතික්ෂේප කරන නාවික හමුදාව පවසන්නේ අදාළ බෝට්ටුවේ සවිකර තිබූ GPRS යන්ත්‍රය පරීක්ෂණ කටයුතු සදහා ඉදිරිපත් කරන මෙන් දැණුම් දී ඇතත් එය මෙතෙක් ලැබී නොමැති බවටයි.

මළ සිරුර භාර නොගනී

ශ්‍රී ලංකා නාවික හමුදාවේ වෙඩි තැබීමකින් ඝාතනයට පත්වූ බව කියන පිරිට්ජෝ නැමැති ධීවරයාගේ මළසිරුර භාර ගැනීම ප්‍රතික්‍ෂේප කරමින් තමිල්නාඩු, තංකච්චිමඩම් ප්‍රදේශයේ ධීවරයන් පවත්වාගෙන යන විරෝධතා ව්‍යාපාරය අද හය වන දිනටත් පැවැත්වේ.

නිසි සාධාරණයක් ලබාදිය යුතු යැයි ඉල්ලා මළ සිරුර භාර ගැනීම ප්‍රතික්‍ෂේප කළ දෙමව්පියන් සහ තංකච්චිමඩම් ප්‍රදේශයේ ධීවරයන් මෙසේ විරෝධතා ව්‍යාපාරයක නිරතව සිටී.

Facebook Comments