ජනපතිගේ අභියෝගය අගමැති බාර ගනී බැඳුම්කර විවාදය ජන්දයට පෙර

0

බැඳුම්කර ජනාධිපති කොමිසමේ වාර්තාව සහ බරපතළ දුෂණ වංචා විමර්ශන ජනාධිපති කොමිසමේ වාර්තාව පිළිබඳ පාර්ලිමේන්තු විවාදය පළාත් පාලන මැතිවරණයට දින දෙකකට පෙර පවත්වන බව අගමැතිවරයා පවසයි.

පෙබරවාරි 8 වනදා විවාදය පවත්වන බව මෙන්ම අදාළ විවාදය කැඳවීමේ ලිපිය එළඹෙන සඳුදා නිකුත් කරන 27 සෙනසුරාදා දෙනියායේ පැවති ජන හමුවකදී අගමැති රනිල් වික්‍රමසිංහ කියා සිටියේය.

පාර්ලිමේන්තුවට ඉදිරිපත් කර ඇති බැඳුම්කර කොමිසම් වාර්තාව ඇතුලු අනෙකුත් මහා පරිමාණ දුෂණ වංචා වාර්තා පිළිබඳ විවාදය පළාත් පාලන ජන්දයට පෙර එක් දිනක් හෝ පවත්වන ලෙසට 23 අඟහරුවාදා ජනාධිපති මෛත්‍රීපාල සිරිසෙන් අභියෝග කර තිබුණි.

මේ අතර බැඳුම්කර කොමිසම් වාර්තාව ඇතුලු අනෙකුත් මහා පරිමාණ දුෂණ වංචා වාර්තා පිළිබඳ විවාදය පැවැත්විම සඳහා විශේෂ පක්ෂ නායක රැස්විමක් කැඳවන ලෙස ජනතා විමුක්ති පෙරමුණේ නායක අනුර කුමාර දිසානායක ද කථානායක කරූ ජයසූරිය වෙත ලිඛිතව ඉල්ලීමක් කල බව අවිසාවේල්ලේ පැවති ජන හමුවක් අමතමින් කියා සිටියේය.

Facebook Comments