ආණ්ඩුව රාජ්‍ය සේවක පඩිය ඉල්ලුවාට මුල්‍ය අර්බුදයක් නෑ: රනිල් (VIDEO)

0
359
Ivory Agency Sri Lanka
wedding people

අවශ්‍ය තරම් ලෝකාධාර ශ්‍රී ලංකාවට ලැබී ඇති බැවින් කොවිඩ් 19 වසංගතය පිටු දැකීමට අවශ්‍ය පියවර ගැනීමට මුල්‍ය අර්බුදයක් මෙරට තුළ නොමැති බව පවසන හිටපු අගමැතිවරයා ජනාධිපති ලේකම් රාජ්‍ය සේවක වැටුප් ආපසු ඉල්ලීම ප්‍රශ්න කොට තිබේ.

එක්සත් ජාතික පක්ෂයේ නායක රනිල් වික්‍රමසිංහ ඒ බව ප්‍රකාශ කර ඇත්තේ වසංගතය පැතිරීම ආරම්භ වීමෙන් අනතුරුව දෙවැනි වතාවටත් ලෝක බැංකු මුල්‍යාධාර ලැබෙන බව සෞඛ්‍ය අමාත්‍යාංශය නිවේදනය කිරීම සමගය.

COVID-19 වසංගතයට ශ්‍රී ලංකාවේ හදිසි ප්‍රතිචාර දැක්වීම සහ සෞඛ්‍ය අංශ සූදානම් කිරීම සඳහා ඩොලර් මිලියන 128.6 ක මුදලක් ලබාදීමට ලෝක බැංකුව මේ වන විටත් අනුමැතිය ලබා දී තිබේ.

එය හඳුන්වා දී ඇත්තේ “සහන පැකේජයක්” ලෙසයි.

වෛරසයේ පැතිරීම පාලනය කිරීමට සහ රෝග හේතුවෙන් අනාගතයේ මුහුණ දිය හැකි හදිසි තත්වයන්ට මුහුණදීමට රට සූදානම් කිරීමට, ලෝක බැංකුව ශ්‍රී ලංකා රජය හා සමීපව කටයුතු කරනවා,” යැයි නේපාලය, ශ්‍රී ලංකාව සහ මාලදිවයින යන රටවල් සඳහා ලෝක බැංකු අධ්‍යක්ෂිකා ආචාර්ය අයිඩා ස්වරායි රිඩ්ඩිහොග් සහන පැකේජය ප්‍රකාශයට පත් කරමින් පවසා තිබුනි.

රටේ අයවැය හිඟය අඩුකර, ණය කළමනාකරණය වෙනුවෙන් රාජ්‍ය සේවකයන් ගේ මැයි මාසයේ වැටුප ආපසු ලබා දෙන ලෙස ජනාධිපති ලේකම්වරයා කරන ලද ඉල්ලීම සම්බන්ධව ද රනිල් වික්‍රමසිංහ මැයි 10 ඉරිදා සමාජ මාධ්‍ය හමුවේ විශේෂ ප්‍රකාශයක් කරමින් ප්‍රශ්න කර තිබේ.

“රජයේ සේවකයන්ට සිය වැටුප් පරිත්‍යාග කරන මෙන් ඉල්ලා ඇති ඉල්ලීම ගැන ද මගේ අවධානය යොමු වුණා. මේ උදා වී ඇති අර්බුදය රජයේ සේවකයන්ගේ මාසයක වැටුප් බිලෙන් විසඳ ගන්න හැකි තරම් සුළු එකක් ද? අනිත් අතට තම වැටුප වැන්දඹු හා අනත්දරු අරමුදලට දීමෙන් රටේ ආර්ථිකයට ලැබෙන ශක්තිය කුමක් ද? මෙන්න මේ ප්‍රශ්න ජනතාව හමුවේ පහදා දීම රජයේ යුතුකමක්.”

පෙබරවාරි මාසයේ සිට වසංගතය මැඩ පැවැත්වීමට ගත් පියවරයන් සෞඛ්‍ය ඇමැතිවරිය විසින් රටට හෙළි කළ යුතු බව පවසන එක්සත් ජාතික පක්ෂයේ නායකයා කොරෝනා මර්දනය වෙනුවෙන් සිදුවන සියලු කටයුතු විවෘත හා විනිවිද භාවයෙන් සිදු විය යුතු බවද සිය විශේෂ ප්‍රකාශයෙන් අවධාරණය කර ඇත.

තවත් විදේශාධාර

ඒ සමගම සෞඛ්‍ය අමාත්‍යංශයේ ප්‍රථමික සේවා පද්ධතිය සිවිබල ගැන්විමේ ව්‍යපෘති අධ්‍යක්ෂවරයා විසින් නිවේදනය කර ඇති පරිදි සෞඛ්‍ය අංශයේ ප්‍රථමික සේවා පද්ධති සවිබල ගැන්වීමේ ව්‍යපෘතිය යටතේ දිවයිනේ රෝහල් හා සෞඛ්‍ය ආයතන රැසක භෞතික හා මානව සම්පත් සංවර්ධනයට දෙවැනි වරටත් ලෝක බැංකු මුල්‍ය ආධාර ලැබීමට නියමිතව ඇත.

මුල් වටයේ රෝහල් 63ක් සඳහා එම ප්‍රතිපාදන ලබා දී ඇති අතර එහි ප්‍රගතිය සොයා බැලීමට ස්වාධීන නිරික්ෂණ කණ්ඩායමක් මෙරටට ප්‍රදේශ ගණනවක සංචාරය කිරීමට නියමිති බව නිවේදනය කරන අධ්‍යක්ෂ වෛද්‍ය ජයසුන්දර බණ්ඩාර එහි ප්‍රගිත වාර්තාව අනුව දෙවනි වටයේ ප්‍රතිපාදන නිකුත් වන බව පවසයි.

ලෝක බැංකුවේ ශ්‍රේණිගත කිරීම් වලට අනුව සෞඛ්‍ය අමාත්‍යංශයේ ප්‍රථමික සේවා පද්ධති සවිබල ගැන්වීමේ ව්‍යපෘතිය ආසියානු කලාපයේ ක්‍රියාත්මක හොඳම ව්‍යපෘතිය ලෙස ඇගයීමට පත්ව ඇති බව ද අධ්‍යක්ෂකවරයා නිකුත් කරන ලද නිවේදනයේ දැක්වේ.

Facebook Comments