උතුරේ ඇතැම් ස්ථාන වලින් මතුවන ආයුධ යුද්ධයේ නටඹුන් බව පෙන්වා දෙන උතුරු ආණ්ඩුකාරවරයා ඒ පිලිබඳව දකුණ අනවශ්‍ය ලෙස කලබල විය යුතු නැති බව කියා තිබේ.
දකුණට උතුරේ ආයුධ මතුවීම අමතු දෙයක් ලෙස දැනුනද උතුරට එය අමුතු දෙයක් නොවන බව උතුරේ ආණ්ඩුකාර රෙජිනෝල්ඩ් කුරේ ප්‍රකාශ කළේ මුලතිව් ආරක්ෂක සේනා මුල්වී පවත්වන ලද පොසොන් උත්සව සභාවක දෙසුමක් පවත්වමින් කියා සිටියේය.
මේක දකුණේ අපට මහා අමුතු දෙයක් වුනාට උතුරට අමුතු දෙයක් නෙවෙයි. ඒක නැවත වතාවක් යුද්ධය පටන් ගන්නවායි කියා වැරදි අර්ථකථනයක් කරන්න අවශ්‍ය නෑ යි ආණ්ඩුකාරවරයා ප්‍රකාශ කළේය.
පොසොන් උත්සවයට වැඩම කර සිටි රාමඤ්ඤ නිකායේ දකුණු පළාත් සංඝනායක ඕමල්පේ සෝභිත හිමියන් මැදිහත්වී තායිලන්තයේ හා සිංගප්පුරුවේ දානපතියන්ගේ අරමුදලින් ලබාගත් ගොවිකම් සම්පත්, රෝද පුටු හා පාසල් උපකරණ තොගයක් පළාතේ ජීවත්වන විවිධ ආගම් වලට අයත් පවුල්වල සාමාජිකයන්ට එදින බෙදා දුන් බව යුද හමුදාව පවසයි.
Facebook Comments
