උත්තර නොලද දෙමළ අම්මාවරුන්ගේ විරෝධය දින පන්සීය ඉක්මවයි

0

අතුරුදහන් තම සමීපතමයන් ගේ ඉරණම හෙළි කර ගැනීම සඳහා ශ්‍රී ලංකාවේ ආණ්ඩුවෙන් නොලැබෙන හෙයින් ජාත්‍යන්තර මැදිහත් වීමකින් යුක්ති ඉටු කරන ලෙසට අතුරුදහන් වුවන් සොය දෙන ලෙසට බල කර කිලිනොච්චි විරෝධතවයට දින පන්සීයක් සපිරෙන දා අම්මාවරුන් ඉල්ලා තිබේ.

කිලිනොච්චි කන්දසාමි කෝවිල ඉදිරිපිට වඩිලා සිටින අම්මාවරුන්ගේ විරෝධතාවයට දින 500 සපිරෙන ජුලි 01 වන ඉරිදා උද්ඝෝෂණයක නිරත වෙමින් තමන් විසින් රජයේ ආරක්ෂ අංශ වෙත බාර දී මෙන් පසුව අතුරුදහන් කර ඇති තම සමීපතමයන්ගේ ඉරණම හෙළි කිරිමට යහපාල රජය මැලි කමක් දක්වන බවට චෝදනා කළේය.

මෛත්‍රීපාල සිරිසේන ජනපති කර වීමට ජන්දය ලබා දුන් තමන් රැවටී සිටින බව කියා සිටි දෙමළ මව්වරුන් ජාත්‍යන්තර මැදිහත් වීමක් හරහා තමන්ට යුක්තිය ඉටු කරවා ගත හැක බවට විශ්වාසය පළ කළේය.

ප්‍රමුඛ අවධානය

යුද්ධයේ අවසන් අදියරේ දී ශවේන්ද්‍ර සිල්වාගේ නායකත්වයෙන් යුත් 58 වන සේනාංකයට භාරවීමෙන් හා භාර දීමෙන් අනතුරුව අතුරුදහන් වුවන් සිය ගණනක නම් සහිත ලයිස්තුවක් ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) එළි දක්වා තිබුණි.

“එකම වර පුද්ගලයන් සිය ගණනක් එකම ස්ථානයේ අතුරුදහන් වනු, රට තුලත්, ඉන් පිටතත් සාක්ෂිකරුවන් ගණනාවක් විසින් සියැසින් දකින ලද, ශ්‍රී ලංකාවේ බලහත්කාරයෙන් අතුරුදහන් කරවන ලද විශාලතම තනි කණ්ඩායම මෙයයි.” යාපනයේ දී ලැයිස්තුව එළි දක්වන අවස්ථාවට ස්කයිප් තාක්ෂණය ඔස්සේ සම්බන්ධව වු ITJP සංවිධානයේ අධ්‍යක්ෂිකා යැස්මින් සුකා අවධාරණය කළේය.

ලයිස්තුව එළි දක්වා මාසයකට වැඩි කාලයක් ගත විමෙන් පසුව ඒ පිළිබඳව නිවේදනයක් නිකුත් කරන විදේශ කටයුතු අමාත්‍යංශය එහි නම් සඳහන් අයවලුන්ගේ විස්තර අතුරුදහන් වුවන් පිළිබඳව සොයා බැලිමේ කාර්යාලය (OMP) වෙත ලබා දෙන ලෙස ඉල්ලා සිටියේය.

රජයේ හමුදා වලට බාර දීමෙන් හා බාර වීමෙන් පසුව අතුරුදහන් කරවුවන් පිලිබඳව සිය ප්‍රමුඛ අවධානය යොමු කරන බවට අතුරුදහන් වුවන් පිළිබඳව සොයා බැලිමේ කාර්යාලයේ (OMP)ප්‍රධානී නිතිඥ සාලිය පිරිස් ප්‍රකාශ කර තිබුණි.

Facebook Comments

wedding people