වත්මන් යහපාලන රජය විසින් උතුරට ලබා දී ඇති අයිතීන් හේතුවෙන් දෙමළ ජනතාව ප්‍රජාතන්ත්‍රවාදය භුක්ති විඳිමින් සිටින බවට රජයේ සම කැබිනට් ප්‍රකාශකවරයා පවසයි.
දෙමළ ජනතාව මෙන්ම මුස්ලිම් ජනයා ද එම නිදහස භුක්ති විඳින බව සෞඛ්‍ය, පෝෂණ හා දේශිය වෛද්‍ය අමාත්‍ය දොස්තර රාජිත සේනාරත්න පසුගිය දා පැවති ජන හමුවක දී ප්‍රකාශ කර ඇත.
උතුරේ ජනතාවට ලබා දී ඇති අයිතිය තුලින් ඔවුන් ජ්‍රජාතන්ත්‍රවාදී නිදහස භුක්ති විදිනවා. මුස්ලිම් ජනතාවත් එහෙමයි. රාජිත සේනාරත්න කියා සිටියේය.
හිටපු ජනාධිපති මහින්ද රාජපක්ෂ මැන්ඩෙලා බව හැඳින්වුවද ඔහු මුගාබේ ගේ චරිතය දක්වමින් දෙමළ ජනයාගේ අයිතීන් ලබා නොදුන් බවට ඇමැතිවරයා චෝදනා කළේය.
හිටපු ජනපතිනි චන්ද්‍රිකා බණ්ඩාරනායක ජාතිවාදයට එරෙහිව කටයුතු කල ද මහින්ද රාජපක්ෂ ජනාධිපති ධුරය දරන සමයේ ජාතිවාදී ලෙස වැඩ කල බවට චෝදනා කල රාජිත සේනාරත්න තමන් ජාතිවාදයට එරෙහි ප්‍රතිපත්තිය වෙනස් නොකල බව ද කියා සිටියේය.
අන්තවාදී පක්ෂ ක්‍රමය නිසා රට විනාශ වන බව පෙන්වා දෙන සෞඛ්‍ය, පෝෂණ හා දේශිය වෛද්‍ය අමාත්‍ය දොස්තර රාජිත සේනාරත්න ජාතිවාදය,ආගම්වාදය, කුලවාදය අවසන් කර මිනිස් කම පැතිර විය යුතු බවයි අවධාරණය කරන්නේ.
Facebook Comments
