ජාතිවාදීන්ට යටවී ජනපති දේශපාලන සිරකරුවන් නිදහස් නොකරන බවට චෝදනාවක් (VIDEO)

0

ජනාධිපතිවරයා විසින් දේශපලන සිරකරුවන් නිදහස් කිරීමට කැමැත්තක් දැක්වුවද ජාතීවාදින්ගේ බලපෑම් හමුවේ එය නොකරන බවට විපක්ෂ නායකවරයා පැවසු බව දේශපාලන සිරකරුවන් නිදහස් කර ගැනීමේ ජාතික ව්‍යාපාරය පවසනවා.

අගමැතිවරයා සහ ජනාධිපතිවරයා දේඝපාලන සිරකරුවන් නිදහස් කිරීමට කැමැත්ත පල කර ඇති බවට විපක්ෂ නායක ආර්.සම්බන්ධන් පැවසු බව 30 බදාදා විපක්ෂ නායකවරයා සමඟ පැවති හමුවකින් අනතුරුව සුන්දරම් මහේන්ද්‍රන් මාධ්‍ය වෙත කියා සිටියේය.

“රනිල් වික්‍රමසිංහ අගමැතිතුමා ඉතාම පැහැදිලිව දේශපාලන සිරකරුවන් නිදහස් කර ගැනීම සඳහා කැපවෙනවා ඒ වගේ අපේ ඉල්ලීමට එයා කන් දෙනවා දින කිහිපයකට කලින් විපක්ෂ නායකවරයා අගමැතිතුමා හමුවෙලා මේ ගැන සාකච්ඡා කරනකොට එයා ඉතා කැමැත්තෙන් ඉන්න බව තමයි කියල තියෙන්නෙ. නමුත් ජනාධිපතිවරයාගෙන් අහනකොට එයත් කියන්නෙ අනිවාරෙන් නිදහස් කරන්නෙ ඕනෙ, නිදහස් කල යුතුයි කියලා කියනවා. නමුත් ජාතිවාදී බලවේග හමුවේ එතුමා පසුබහින බව තමයි විපක්ෂ නායකවරයා කියන්නෙ” යි සුන්දරම් මහේන්ද්‍රන් ප්‍රකාශ කළේය.

හිටපු ජනපති මහින්ද රාජපක්ෂ ප්‍රමුඛ බලවේග විසින් කොටි සංවිධානයේ පිරිස් නිදහස් කර රට අස්ථාවර කරන බවට ගෙන යන ප්‍රචාර හමුවේ දේශපාලන සිරකරුවන් නිදහස් කිරිම පසුබසින බව පෙනෙන්නට ඇතැයි ඔහු පැවසීය.

කෙසේ වෙතත් දේශපාලන සිරකරුවන් සියලු දෙනා නිදහස් කරන තුරු තම සටන අත් නොහරින බව විපක්ෂ නායක ආර්. සම්බන්ධන් හමුවේ අවධාරණය කල බව දේශපාලන සිරකරුවන් නිදහස් කර ගැනීමේ ජාතික ව්‍යාපාරයේ සුන්දරම් මහේන්ද්‍රරන් වැඩි දුරටත් කියා සිටියේය.

Facebook Comments

wedding people