හිටපු ජනාධිපති මහින්ද රාජපක්ෂ මහතාව ඝාතනය කිරීම සඳහා පැමිණි මරාගෙන මැරෙන එල්ටීටීඊ සැකකරුවන්ට කොළඹ දී රැකවරණ සැපයීමේ චෝදනාව යටතේ ගායිකාවක අත්අඩංගුවට පත් වීමට නියමිත බව පොලිස් ආරංච් මාර්ග පවසනවා.
මෙම ඝාතනය සඳහා යොදා ගැනීමට අපේක්ෂා කළ වාහනයක් ද ගෙනැවිත් නතර කර තිබී ඇත්තේ අදාළ ගායිකාවගේ නිවසේ බව හෙළිව ඇත. මෙම ඝාතන සිදු වීමට එවකට එක්සත් ජාතික පක්ෂයේ පාර්ලිමේන්තු මන්ත‍්‍රීවරයකුව සිටි ජොන්ස්ටන් ප‍්‍රනාන්දු මහතාට ද චෝදනා එල්ල වී තිබේ.
මෙම ඝාතන උත්සාහය සඳහා කොළඹ පැමිණ සිටි එල්ටීටීඊ සාමාජිකයන් වන සිවරාජා සුභාක‍්‍රිෂ්ණන්, තවරාජසිංහම් සුභාෂ්, ලින්ටන් සන්දිරේෂන් වර්දරාජන් සමඟ දුරකථන සම්බන්ධතා පැවැත්වීම සහ ඔවුන්ගෙන් මුදල් ලබාගෙන ජොන්ස්ටන් ප‍්‍රනාන්දුට අයත් මාදිවෙල පාර්ලිමේන්තු නිල නිවසේ නවාතැන් පහසුකම් සැපයීම සම්බන්ධයෙනි. එමෙන්ම මෙලෙස පහසුකම් සැපයීමට ලබා දුන් ත්‍යාගයක් වශයෙන් එල්ටීටීඊ සංවිධානය වෙතින් හැරියර් වර්ගයේ ජීප් රියක් ද මෙම ගායිකාවට ලැබී තිබුණ බව ද පොලිස් ආරංචි මාර්ග පවසයි.
එල්ටීටීඊ සැකකරුවන් තිදෙනා 2009 වසරේ ජූලි මාසයේ දී අත්අඩංගුවට ගැනීමෙන් පසුව මෙම තොරතුරු හෙළිව තිබිණි. මේ අතර මෙම ඝාතනය සැලසුම් කළ ප‍්‍රධානියා මේ වන විට යුරෝපීය රටක ජීවත් වන බව හෙළි කර ගැනීමට ද පොලීසිය සමත්ව ඇත.
(සත්හඬ)
Facebook Comments
