රාජ්‍ය දේපළ අවභාවිත කිරීමේ චෝදනා යටතේ කටුනායක ගුවන් තොටුපොළේ නිදහස් සේවක සංගමයේ සභාපතිවන වර්ණසිරි බණ්ඩාර මහතා වරකාපොළ පොලීසිය විසින් අත්අඩංගුවට ගෙන ඇත.
ගුවන්තොටුපොළේ දොඹකරයක් හා වෑන් රථයක් නීති විරෝධී අයුරින් පාද යාත්‍රාවට යොදා ගැනීමේ චෝදනා මත ඔහු මෙසේ අත්අඩංගුවට ගත් බව පොලිසිය පවසයි.
හිටපු අමාත්‍ය ධර්මසිරි සේනානායක මහතාගේ ගුණ සැමරුමක් සඳහා මෙම රජයේ වාහන යොදාගෙන ඇති බවත් පාර්ලිමේන්තු මන්ත්‍රී ඩලස් අලහප්පෙරුම මහතා හා පළාත් මන්ත්‍රී උදයකාන්ත වර්ණකුලසූරිය මහතා දොඹකරයේ නැගී ධර්මසිරි සේනානායක පිළිරුවට පුෂ්පෝපහාර දැක්වූ බවත් වාර්තාවේ.
Facebook Comments
