මීතොටමුල්ල කුණු කන්ද නාය යාමෙන් විපතට පත්වුවන් ගලවා ගැනීමට සිදු කරන මෙහෙයුම් සඳහා අවශ්‍ය පහසුකම් නොමැති බවට මීතොටමුල්ල කුණු කන්දට එරෙහි ජනතා ව්‍යාපාරය චෝදනා කරයි.
කඩා වැටුනු කුණු සහ සුන්බුන් ඉවත් කිරීමට අවශ්‍ය තරම් ලොරි හෝ ටිපර් රථ නොමැති බව මෙන්ම අඩි 40 ප්‍රමාණය පමණ යට මිනිසුන් සිරවී සිටින බවයි නිතීඥා නුවන් බෝපගේ සිලෝන් ජර්නල්ස් හා සම්බන්ධ වෙමින් කියා සිටියේ.
ගලවා ගැනීමේ මෙහෙයුම්ද ඉතා මන්දගාමී ස්වරූපයකින් සිදු වන බව චෝදනා කරන ඔහු පවසන්නේ මිනිසුන් 200 ආසන්න ප්‍රමාණයක් තවමත් කුණු කන්දය යට වී ඇති බවයි.
උන් හිටි තැන් අහිමි වු ජනතාවට රැඳී සිටිමට ස්ථානයක් හෝ ඔවුන්ට කිසිඳු පහසුකමක් සලසා නැති බවට පැවසු මීතොටමුල්ල කුණු කන්දට එරෙහි ජනතා ව්‍යාපාරයේ නිතීඥා නුවන් බෝපගේ ගලවා ගැනිමේ මෙහෙයුම් මන්දගාමී වීම හේතුවෙන් කුණු කන්දට යටවුවන්ගේ ජීවිත තවදුරටත් අවධානමක පවතින බවයි කියා සිටියේ.
මාධ්‍යයටද මේ වන විට කුණු කන්ද කඩා වැටුන ස්ථානයට පැමිණිමට ඉඩ නොදෙන බවයි ඔහු වැඩි දුරටත් සඳහන් කරන්නේ.
කෙසේ වෙතත් මේ වන විට කසල කන්දේ කඩා වැටුණු කොටසේ යටවී සිටි පුද්ගලයින් තුන් දෙනෙකු හමුදා භට පිරිස් විසින් බේරාගෙන ඇති අතර ප‍්‍රදේශවාසීන් ලබාදෙන තොරතුරු අනුව අනතුරට ලක්වූවන් බේරා ගැනීමේ මෙහෙයුම් තවදුරටත් සිදුකරන බවයි හමුදාව පවසන්නේ.
Facebook Comments
