ශ්‍රී ලංකාවේ කාන්තා විරැකියාව බරපතලයි

රැකියා විරහිත ශ්‍රී ලංකාවේ ජනගහනයෙන් හතරෙන් තුන් පංගුවකටත් වැඩි සංඛ්‍යාව කාන්තාවන් වන අතර රැකියා  කරන පිරිස අතරින් කාන්තාවන් ඉන්නේ සියයට හතළිහකටත් අඩු පිරිසක් බව රජය විසින් එලි දක්වා ඇති අලුත්ම සංඛ්‍යා ලේඛණ වල දැක්වේ.

මේ වසරේ පළමු මාස තුන පිළිබඳව රාජ්‍ය සංඛ්‍යාලේඛන කාර්යාලය විසින් ප්‍රකාශයට පත් කරන ලද දත්ත අනුව දිවයිනේ රැකියා නොමැති වැඩිහිටි ජනගහනයෙන් 75.8% ක්ම කාන්තාවන්ය.

විරැකියාවෙන් පෙලෙන පිරිමි ප්‍රතිශතය 24.2% කි.

රැකියාවල නියුතු ලාංකිකයන් අතරින් පිරිමි ප්‍රමාණය 63.7ක් වන අතර කාන්තාවන්ගෙන්  රැකියා ඇත්තේ 36.7කට පමණි.

තරුණ විරැකියාව

වයස් කාණ්ඩය අනුව වැඩිම රැකියා විරහිත භාවයක් ඇත්තේ රටේ තරුණ පිරිස අතරය.  ඒ 15ත් 24ත් අතර කණ්ඩායමේය.

අඩකට ආසන්න පිරිසක් රැකියා කරන්නේ සේවා ක්ෂේත්‍රයේය. එය 45.5කි.

28.5 ක් කෘෂි ක්ෂේත්‍රයේ රැකියා කරන අතර 26% ක් සේවයේ නියුතුව සිටින්නේ කර්මාන්ත ක්ෂේත්‍රයේය.

(Radiogagana)