ඉදිරි ජනාධිපතිවරණය සම්බන්ධව පැවති ශ්‍රී ලංකා නිදහස් පක්ෂ මධ්‍යම කාරක සභවේදී පොදුජන පෙරමුණ හා එක්වීම ජනාධිපතිවරයා විසින් ප්‍රතික්ෂේප කර තිබේ.
පොහොට්ටුවට එක්වුවහොත් ශ්‍රී ලංකා නිදහස් පක්ෂය දියවී, විනාශවී යන බව පෙන්වා දී ජනාධිපති මෛත්‍රීපාල සිරිසේන ‘මම නම් පොහොට්ටු වේදිකාවට නගින්නේ නැහැ” යයි අවධාරණය කර ඇත.
ගෝඨභය රාජපක්ෂට සහය දක්වන්නේ ද නැද්ද ? යන කාරණය සම්බන්ධයෙන් උණුසුම්කාරී මත ගැටුමක් සිදුව ඇති අතර එහිදී නිමල් සිරිපාල ද සිල්වා, මහින්ද අමරවීර, ලසන්ත අලගියවන්න, තිලංග සුමතිපාල හා රංජිත් සියඹලාපිටිය යන මන්ත්‍රීවරුන් ගෝඨාබයට සහය දැක්විය යුතු බවට යෝජනා කර ඇතැයි වාර්තා වේ.
කෙසේ වෙතත් ගෝඨාභය රාජපක්ෂට සහාය නොදැක්විය යුතු බවට වන ජනාධිපතිවරයාගේ ස්ථාවරය අනුමත කරමින් දුමින්ද දිසානායක හා දයාසිරි ජයසේකර දක්වා ඇති අතර එහිදී තිලංග සුමතිපාල හා ඔවුන් දෙදෙනා අතර උණුසුම් වචන හුවමාරුවක් ද සිදුව ඇත.
කිසිඳු එකඟතාවයකින් තොර මධ්‍යම කාරක සභාව අවසන් වී ඇති අතර 07 අඟහරුවාදා රාත්‍රියේ පැවැත්වෙන ශ්‍රීලනිප මධ්‍යම කාරක සභාවේදී තීන්දුවක් ගැනීමට නියමිත බවයි පක්ෂයේ ආරංචි මාර්ග පවසන්නේ.
Facebook Comments
