ඉතිහාසයේ ප්‍රථම වතාවට බලයේ සිටින ජනපති, අගමැති මෙන්ම විපක්ෂ නායක මෙන්ම හිටපු විපක්ෂ නායකවරයෙක් ඉදිරිපත් නොවන මැතිවරණය ලෙස මෙවර ජනාධිපතිවරණය සනිටුහන් වන බව මැතිවරණ කොමසාරිස් කාර්යාලය පවසයි.
ජනාධිපතිවරණය සඳහා ඇප මුදල් තැන්පත් කිරිම 06 ඉරිදා දහවල් 12ට අවසන් වු අතර අපේක්ෂකයින් 41 දෙනෙකු ඇප තැන්පති කර ඇත.
පිළිගත් දේශපාලන පක්ෂ 16ක්, ස්වාධීන අපේක්ෂකයින් 17 දෙනෙකු සහ වෙනත් දේශපාලන පක්ෂ අපේක්ෂකයින් පස්දෙනෙකු මෙවර ජනාධිපතිවරණය සදහා ඇප මුදල් තැන්පත් කර තිබේ.
ජනාධිපතිවරණය සඳහා නාම යෝජනා භාර ගැනීම හෙට පෙරවරු 09.00 සිට පෙරවරු 11.00 දක්වා රාජගිරිය මැතිවරණ මහලේකම් කාර්යාලයේදී සිදුකිරීමට නියමිත අතර ඉන්පසු විරෝධතා දැක්වීමට අවස්ථාව හිමි වෙයි.
මෙවර මැතිවරණය සඳහා අවම වශයෙන් රුපියල් කෝටි 450ක් වැය වෙතැයි මැතිවරණ කොමිසන් සභාව විශ්වාසය පළ කර සිටී.
Facebook Comments
