“වැඩිම දෙමළ මනාපය මට” රාජිත සජිත්ගේ උතුරු මෙහෙයුම අරඹයි (VIDEO)

0
992
Ivory Agency Sri Lanka
HailHost
wedding people

උතුරේ දෙමළ ජනයාගේ වැඩිම කැමැත්ත ඇති සිංහල නායකයා තමන් බව සුව ඇමැතිවරයා ප්‍රකාශ කර තිබේ.

මෙවර ජනාධිපතිවරණයේදී එම ජනතාව තම පාර්ශවය වෙත ජන්දය ලබා දෙනු ඇති බවට විශ්වාසය පළ කරන රාජිත සේනාරත්න අමාත්‍යවරයා තමන් ජනාධිපතිවරණයට පැමිණියේ නම් දැනට පොහොට්ටුව සමඟ එක්වී සිටින දෙමළ නායකයන්ද සිය සහාය ලබා දීමට කැමැත්තෙන් සිටි බව සමාජ ජාලා ඔස්සේ නිකුත් කළ විඩියෝවකින් කියා ඇත.

“සමහර දෙමළ නායකයෝ අපිට සහයෝගය නොදෙන කට්ටියත් මං වගේ එක්කෙනෙක් එනවා නම් සහයෝගය දෙනවයි කියලා ඒගොල්ලො කියන්නෙ. විශේෂයෙන්ම සිවාජිලිංගම් පවා කිව්වේ මම තරග කරනවා නම් ඔහු වේදිකාවටම එනවා කියලා. ඩග්ලස් දේවානන්දත් කිව්වා දහස් වරකින් සහයෝගය දෙනවා. ඔබ එනවා නම් කිසි කෙනෙකුට ඔබට එරෙහිව කතා කරන්න බැරි වෙනවා කිව්වා. ඒ වගේ වර්ධරාජා පෙරුමාල්ලා වගේ අද පොහොට්ටුවත් එක්ක ඉන්න නායකයින් පවා ඉන්නවා.”

උතුරු මෙන්ම නැගෙනහිර ජනයාගේ සියලු අයිතීන් වෙනුවෙන් තමන් පෙනි සිටි බැවින් ඔවුන් තමන්ව සිය නායකයකු සේ පිළිගන්නා බව ද සෞඛ්‍ය අමාත්‍ය රාජිත සේනාරත්න කියා සිටී.

මෛත්‍රීපාල සිරිසේන ජනාධිපති ධුරයට පත් කළ ආකාරයෙන්ම මෙවර ද උතුරේ ජනතාව සිය ජන්දය සජිත් ප්‍රේමදාස ජනපති ධුරයට පත් කිරිමට ලබා දෙනු ඇති බව කී අමාත්‍යවරයා උතුරේ මැතිවරණය මෙහෙයුම සජිත් අමාතවරයා විසින් තමන් වෙත ලබා දුන් බවද වැඩි දුරටත් ප්‍රකාශ කර ඇත.

Facebook Comments

HailHost